18.08.2026 | 13:23
Արման Ծառուկյանը 200 հազար դոլարի գրազ է եկել, թե որ երգի ներքո է դուրս գալու մենամարտի. ՏԵՍԱՆՅՈՒԹ
Ըստ ՆԳ փոխնախարարի՝ վերջին 2,5 տարում ՃՏՊ-ների հետևանքով զոհերի թիվը նվազել է․ ՏԵՍԱՆՅՈՒԹ
Հասարակություն
18.08.2026 | 12:42
Հայաստանի Հանրապետությունում արդեն 2,5 տարի է, ինչ ճանապարհատրանսպորտային պատահարների հետևանքով զոհերի թիվը շարունակական նվազման միտում է արձանագրում։ Այս մասին 2026թ․ առաջին կիսամյակում ՆԳՆ ոստիկանության գործունեության արդյունքներն ամփոփող ասուլիսի ժամանակ հայտարարեց ՀՀ ՆԳ նախարարի տեղակալի ժամանակավոր պաշտոնակատար Արմեն Մկրտչյանը։
Նրա խոսքով՝ պարեկային ծառայությունը ոչ միայն ապահովում է ճանապարհային երթևեկության անվտանգությունը, այլև մեծ մասնակցություն ունի ընդհանուր հանցագործությունների հայտնաբերման ու բացահայտման գործում։
«Ի՞նչ զարգացումներ ենք տեսնում այս ծառայության համար. իհարկե, թվային տիրույթում Քրեական ոստիկանությունը իր կարողությունները պետք է զարգացնի այն տրամաբանությամբ, որ շատ հանցատեսակներ հետզհետե կամ նույնիսկ մեծ տեմպերով տեղափոխվում են համացանց, և համացանցը ևս պետք է դիտարկել որպես ոստիկանության համար «պարեկություն» անելու տարածք։ Այստեղ նույնպես պետք է հանցագործությունները կանխարգելել, կանխել, բացահայտել»,- ասաց Մկրտչյանը։
Արմեն Մկրտրյանի դիտարկմամաբ՝ ակտիվորեն գործում է նաև Սևանա լճի էկոհամակարգի պահպանությունն իրականացնող Ջրային պարեկային ծառայությունը, որն անցած տարվա սեզոնին հայտնաբերել և առգրավել է շուրջ 4.5 տոննա ապօրինի որսած ձուկ։
Նշվեց, որ թվային և տեխնոլոգիական հանցագործությունների դեմ պայքարի արդյունավետությունը բարձրացնելու նպատակով առաջիկայում կգործարկվի մասնագիտացված կիբեռլաբորատորիա, ինչը կխթանի նաև անդրազգային հանցավորության դեմ միջազգային համագործակցությանը։
Մանրամասները՝ տեսանյութում։
Անի Թամրազյան
