27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Սևանա լճի մակարդակը անցած տարվա նույն ժամանակահատվածի համեմատ 15 սմ-ով բարձր է
18.08.2026 | 10:35
Սևանա լճի հիդրոլոգիական ռեժիմը 2026 թվականի օգոստոսի 10-16-ը․ ներկայացնում է «Հիդրոօդերևութաբանության և մոնիթորինգի կենտրոն»-ը։
«Սևանա լճի մակարդակը 2026 թվականի օգոստոսի 10-16-ն ընկած ժամանակահատվածում իջել է 2 սմ-ով և կազմել՝ 1900.72 մ (16.08.26թ․), որն անցյալ տարվա նույն օրվա մակարդակից բարձր է 15 սմ-ով, իսկ 2026 թվականի հունվարի 1-ի մակարդակից` 50 սմ-ով։
Արփա-Սևան ջրատարով Սևանա լիճ տեղափոխված ջրի քանակը 2026 թվականի օգոստոսի 10-16-ն ընկած ժամանակահատվածում կազմել է 1.701 մլն.մ³, իսկ 2026 թվականի հունվարի 1-ից օգոստոսի 16-ը ներառյալ՝ 167.156 մլն.մ³:
Սևանա լճից բացթողնված ջրի ծավալը ըստ Հրազդան ՀԷԿ-ի ուղղաթեք ջրանցքի Գեղամավան դիտակետի օգոստոսի 10-16-ը ներառյալ ընկած ժամանակահատվածում կազմել է 10.835 մլն.մ³, իսկ ընդհանուր գումարային բացթողումը՝ հուլիսի 2-ից օգոստոսի 16-ը ներառյալ՝ 41.368 մլն.մ³»,- ասված է հաղորդագրությունում։
