27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Բացահատվել է անչափահասի նկատմամբ հոգեկան ներգործության դեպքը. ՆԳՆ
Հասարակություն
12.08.2026 | 19:50
Օգոստոսի 12-ին համացանցում տեսանյութ է տարածվել, որում երևում է, թե ինչպես է անձը հոգեբանական ճնշում գործադրում անչափահասի նկատմամբ։
ՆԳՆ-ի փոխանցմամբ՝ Համայնքային ոստիկանության Մաշտոցի բաժնի ծառայողների ձեռնարկած միջոցառումների արդյունքում պարզվել է դեպքին առնչվող անձանց ինքնությունը։ Անչափահասը, նրա ծնողները և դեպքի մյուս մասնակիցները հրավիրվել են ոստիկանության Մաշտոցի բաժին։
Պարզվել է, որ անչափահասը սոցիալական հարթակներից մեկում խանութներից մեկի վերաբերյալ վիրավորական գրառում է կատարել, ինչից հետո խանութի սեփականատերը նրան պատժելու նպատակով հոգեբանական ճնշում է գործադրել, ապա տեղի ունեցածը տեսաձայնագրել և հրապարակել համացանցում։
Կազմված փաստաթղթերը փոխանցվել են նախաքննական մարմին։ Հանգամանքները պարզվում են։
