12.08.2026 | 12:08
Երիտասարդների ձայնը պետք է ոչ միայն լսելի լինի, այլև իրական ազդեցություն ունենա․ ՄԻՊ
Մանուել Տուլիպա. «Այս խաղը ցույց տվեց, թե որքան դաժան կարող է լինել ֆուտբոլը». ՏԵՍԱՆՅՈՒԹ
12.08.2026 | 11:22
Ֆուտբոլի Հայաստանի չեմպիոն «Արարատ-Արմենիայի» գլխավոր մարզիչ Մանուել Տուլիպան խոսել է Չեմպիոնների լիգայի որակավորման երրորդ փուլի պատասխան խաղում սլովենական «Ցելիեից» կրած 0:2 հաշվով ցավալի պարտության մասին:
«Այս խաղը ցույց տվեց, թե որքան դաժան կարող է լինել ֆուտբոլը: Մինչև բաց թողած առաջին գոլը մենք շատ մոտ էինք գոլ խփելուն, սակայն երբ չես գրավում դարպասը, իրավիճակը փոխվում է: Դրանից հետո բաց թողեցինք երկու գոլ։ Մրցակցի դարպասապահը հիանալի գործեց։
Ամենակարևորը այն է, որ մեր ֆուտբոլիստները համարձակ ֆուտբոլ ցուցադրեցին՝ չնայած մրցակցի երկրպագուների կողմից ճնշմանը։ 0:2 հաշիվը չի արտացոլում խաղի պատկերը։ Ավելի տրամաբանական կլիներ, եթե խաղը տեղափոխվեր լրացուցիչ ժամանակ։
Հանդիպումից հետո ֆուտբոլիստներին ասել եմ, որ ինձ համար հպարտություն է նրանց հետ աշխատելը»,- հետխաղային ասուլիսում նշել է պորտուգալացի մասնագետը։
Հիշեցնենք, որ «Արարատ-Արմենիան» եվրագավաթներում պայքարը կշարունակի Եվրոպա լիգայի որակավորման փլեյ-օֆֆում ու կմրցի «Կուպս» (Ֆինլանդիա) – «Ունիվերսիտատյա Կրայովա» (Ռումինիա) զույգի հաղթողի հետ։ Այդ դիմակայության առաջին խաղն ավարտվել է 1:1 հաշվով:
