05.02.2026 | 22:50
Պարեկները հայտնաբերել են «դրիֆթ» կատարած վարորդներին
Ռոբերտ Քոչարյանի կալանքի գործով որոշումը կհրապարակվի ԱԺ ընտրությունից 2 օր առաջ․ Հայկ Ալումյան․ ՏԵՍԱՆՅՈՒԹ
Հասարակություն
04.12.2018 | 18:54
Խորհրդարանական ընտրություններից 2 օր առաջ Վերաքննիչ քրեական դատարանը կհրապարակի Ռոբերտ Քոչարյանի կալանքի հարցով որոշումը։
Այս մասին լրագրողների հետ զրույցում տեղեկացրեց ՀՀ երկրորդ նախագահի պաշտպաններից Հայկ Ալումյանը:
Դատարանը կա՛մ կբավարարի դատախազության դիմումը և Քոչարյանին կալանավորի, կա՛մ կբավարարի Քոչարյանի պաշտպանների բողոքները և կդիմի Սահմանադրական դատարան։
Մասնավորապես, պաշտոնական կողմը ՍԴ-ից ակնկալում է ստանալ հետևյալ հարցի պատասխանը. արդյո՞ք սահմանադրական են 2008 թվականի Քրեական օրենսգրքի 300-րդ և գործող Քրեական օրենսգրքի 300.1 հոդվածները։
Նշենք, որ այդ հոդվածների հատկանիշներով է Ռոբերտ Քոչարյանին երկրում սահմանադրական կարգը տապալելու մեղադրանք առաջադրվել։ Եթե Սահմանադրական դատարանը բավարարի Քոչարյանի պաշտպանների դիմումը և հակասահմանադրական ճանաչի 300 և 300.1 հոդվածները, այս գործով մեղադրյալները կարող են այդ հիմքով վերանայել իրենց գործերը։ Վերաքննիչ քրեական դատարանը որոշումը կհրապարակի դեկտեմբերի 7-ին, ժամը 16:00-ին։
Մանրամասները՝ տեսանյութում։
