04.11.2026 | 18:03
Գլխավոր դատախազը բավարարել է Տաջիկստանի միջնորդությունը. մեղադրվող անձը հանձնվել է Տաջիկստանի իրավասու մարմիններին
Պուտինը մտադիր է Փաշինյանի հետ քննարկել Հայաստանում ընդդիմության առաջնորդների կալանավորման հարցը
Քաղաքականություն
28.08.2026 | 21:10
ՌԴ նախագահի օգնական Յուրի Ուշակովը հայտարարել է, որ Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ առաջիկա հանդիպմանը մտադիր է քննարկել Հայաստանում ընդդիմության առաջնորդների ձերբակալությունների հարցը։
Ըստ ռուսական ՌԻԱ-ի՝ Պուտինն ու Փաշինյանը հանդիպելու են սեպտեմբերի 1-ին՝ Բիշքեկում Շանհայի համագործակցության կազմակերպության գագաթնաժողովի շրջանակում։
Ուշակովի խոսքով՝ հանդիպումը տեղի կունենա «անսովոր ֆոնի» պայմաններում, քանի որ Հայաստանում, նրա բնորոշմամբ, զանգվածաբար ձերբակալվում են ընդդիմության առաջնորդներ, այդ թվում՝ Ռուսաստանի հետ ավանդական բարիդրացիական հարաբերությունների ակտիվացման կողմնակիցներ։
«Անշուշտ, այս թեման կքննարկվի»,- ասել է Ուշակովը։
Հայկական կողմը պաշտոնապես դեռ չի հաստատել Փաշինյանի՝ գագաթնաժողովին մասնակցության և Պուտինի հետ հնարավոր հանդիպման փաստը, ըստ այդմ՝ նաև քննարկումների օրակարգը։
