07.08.2026 | 14:54
Երուսաղեմի Հայոց պատրիարքությունը դատապարտել է Գարեգին Բ-ի դեմ դատական գործընթացը
Այսօր ամոթի օր է․ Մարիաննա Ղահրամանյան. ՏԵՍԱՆՅՈՒԹ
Քաղաքականություն
07.08.2026 | 11:22
Ազգային ժողովի նիստում «Ուժեղ Հայաստան» խմբակցության պատգամավոր Մարիաննա Ղահրամանյանը անդրադարձել է Հայ Առաքելական եկեղեցու շուրջ ստեղծված իրավիճակին, Բաքվի բանտերում գտնվող հայերի ճակատագրին և ԱԺ փոխնախագահի թեկնածու Արամ Վարդևանյանի գործունեությանը:
Ղահրամանյանը զուգահեռներ է անցկացրել Ադրբեջանի հոգևոր առաջնորդի և ՀՀ վարչապետի հայտարարությունների միջև: Նա հիշեցրել է, որ 2025-ի մայիսին Շեյխ-ուլ-իսլամ Ալլահշուքյուր Փաշազադեն եկեղեցին որակել է որպես սպառնալիք և պնդել, թե Էջմիածինը գտնվում է «պատմական ադրբեջանական հողերի վրա»:
«Ընդամենը օրեր անց սրան հետևեց Նիկոլ Փաշինյանի հարձակումը ազգային հոգևոր կառույցի նկատմամբ»,- նշել է պատգամավորը՝ ընդգծելով ժամանակագրական հաջորդականության փաստը։
Հիշեցնենք՝ այսօր Էջմիածնում տեղի է ունենալու Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի և Գերագույն հոգևոր խորհրդի անդամ վեց եպիսկոպոսների քրեական գործի նախնական դատալսումների առաջին նիստը։
«Այսօր ամոթի օր է»,- հրավիրված նիստի մասին խոսելով՝ ասել է Ղահրամանյանը։
Մանրամասները՝ տեսանյութում։
Եվգենյա Համբարձումյան
