Կոնֆերենցիաների լիգա. «Նոան» ոչ-ոքի խաղաց «Սյոնի» հետ. ՏԵՍԱՆՅՈՒԹ

Կոնֆերենցիաների լիգայի որակավորման երրորդ փուլի առաջին խաղում Հայաստանի գավաթակիր «Նոան» մրցեց շվեյցարական «Սյոնի» հետ:

Աբովյանում կայացած խաղն ավարտվեց 2:2 հաշվով։

Հանդիպման հաշիվը 5-րդ րոպեին 11-մետրանոցից բացեց «Նոայի» պորտուգալացի հարձակվող Հելդեր Ֆերեյրան։ 13-րդ րոպեին հյուրերը հավասարեցրին հաշիվը, սակայն 7 րոպե անց դաշտի տերերը դարձյալ առաջ անցան հաշվի մեջ: Գլխի հարվածով տպավորիչ գոլի հեղինակ դարձավ Հայաստանի հավաքականի կիսապաշտպան Գոռ Մանվելյանը։

26-րդ րոպեին խաղադաշտից հեռացվեց «Սյոնի» շվեյցարացի պաշտպան Նիաս Հեֆթին, սակայն դա շվեյցարական ակումբին չխանգարեց խուսափել պարտությունից: 57-դր րոպեին հաշիվը հավասարեցրեց մալթացի հարձակվող Իլյաս Շուարեֆը:

65-րդ րոպեին վերջին հույսի խախտման համար կարմիր քարտ ստացավ «Նոայի» ֆրանսիացի պաշտպան Սթոն Մամբոն:

Պատասխան հանդիպումը կկայանա օգոստոսի 13-ին Շվեյցարիայում: «Սյոնի» արգելքը հաղթահարելու դեպքում երևանյան ակումբը Կոնֆերենցիաների լիգայի հիմնական փուլի ուղեգիրը կվիճարկի «Այաքս» (Նիդերլանդներ) – «Շելբուրն» (Իռլանդիա) զույգի հաղթողի հետ։

Հիշեցնենք, որ նախորդ փուլում «Նոան»  պայքարից դուրս է թողել մոլդովական «Զիմբրուին» (1:1, 2:1):  Կոնֆերենցիաների լիգայում Հայաստանի մյուս երկու ներկայացուցիչներ «Փյունիկն» ու «Ալաշկերտը» չէին հաղթահարել որակավորման երկրորդ փուլի արգելքը:

Կոնֆերենցիաների լիգա, որակավորման երրորդ փուլ, առաջին հանդիպում

«Նոա» (Հայաստան) – «Սյոն» (Շվեյցարիա)՝ 2:2

Հելդեր Ֆերեյրա, 5 (11մ), Գոռ Մանվելյան, 20 – Ուինսլի Բոտելի, 13, Իլյաս Շուարեֆ, 57

Հեռացումներ` Սթոն Մամբո, 65 («Նոա») – Նիաս Հեֆթի, 26 («Սյոն»)