21.11.2024 | 13:49
Ապրիլից Արցախից բռնի տեղահանվածների աջակցության ծրագրից կօգտվեն թիրախային խմբերը
ՏԱՐԱԿԱՐԾԻՔ․ Հեռակա ուսուցումից հրաժարվելը կհանգեցնի կրթության որակի բարձրացման, թե՞ սոցիալական աղետի. ՏԵՍԱՆՅՈՒԹ
Հասարակություն
04.12.2018 | 15:00
«Հեռակա ուսուցում այլևս չի լինի, դա, հնարավոր է, որոշակի դժվարություններ առաջացնի մասնավոր և պետական բուհերի համար»,- այս մասին օրեր առաջ հայտարարել է Հայաստանի կրթության և գիտության նախարարի տեղակալ Հովհաննես Հովհաննիսյանը՝ բուհերի ռեկտորների հետ հանդիպման ժամանակ։
Նրա խոսքով՝ առաջադրանք է դրվել «Բարձրագույն կրթության մասին» նոր օրենքի լույսի ներքո մտածել բուհերի խոշորացման և վերամիավորումների մասին:
«Նոր օրենքի կարևոր առանձնահատկություններից մեկն այն է, որ հեռակա ուսուցում այլևս չի լինի։ Մեր որդեգրած քաղաքականությունը հստակ է՝ Հայաստանում կրթությունն այլևս չի լինելու սոցիալական ֆունկցիա կատարող ոլորտ. հիմնական շեշտադրումը լինելու է կրթության որակի վրա: Այսինքն՝ Կրթության և գիտության նախարարությունը լինելու է կրթության որակ ստուգող, իրականացնող, պահանջող և քաղաքականություն մշակող մարմին: Սոցիալական հարցերը, իհարկե, չեն անտեսվելու, բայց նաև դրանք առաջնային տեղում չեն լինելու»,- նշել է Հովհաննես Հովհաննիսյանը։
Իսկ ի՞նչ խնդիրների առաջ կկանգնեն բուհերի ղեկավարությունը, ուսանողներն ու գործատուները՝ առանց հեռակա ուսուցման հնարավորության, արդյոք հնարավոր չէ՞ առանց այդ ուսուցումից հրաժարվելու՝ առաջարկել կրթության որակի բարձրացմանը միտված այլընտրանքային արդյունավետ ուղիներ։
Թեմայի շուրջ Factor.am-ը զրուցել է Հյուսիսային համալսարանի ռեկտոր Բորիս Մակիչյանի և ՀՀ ԿԳ նախարարի խորհրդական Սամվել Կարապետյանի հետ։
Մանրամասները՝ տեսանյութում։
Աննա Բաբաջանյան
