27.07.2026 | 18:40
Սամվել Կարապետյանը դատական հայց է ներկայացրել ԿԿՀ-ի դեմ
Ադրբեջանը թուրքական նոր HÜRKUŞ-2 ինքնաթիռներ կգնի
Քաղաքականություն
27.07.2026 | 17:11
Թուրքական TUSAŞ ավիատիեզերական ընկերությունն Ադրբեջանի հետ HÜRKUŞ ուսուցողական ինքնաթիռների մատակարարման համաձայնագրի ստորագրման վերջին փուլում է։ Ընկերության գործադիր տնօրեն Մեհմեթ Դեմիրօղլուն այս մասին հայտարարել է Haber Türk հեռուստաալիքի եթերում։
Նրա խոսքով՝ HÜRKUŞ-2 ինքնաթիռի արդիականացված տարբերակն ամբողջությամբ ավարտել է փորձարկման և հավաստագրման ծրագիրը, որից հետո սկսվել են մատակարարումները։
«Մենք գրեթե հասել ենք Ադրբեջանի հետ համաձայնագրի ստորագրման փուլին։ Կարող ենք ասել, որ պայմանագիրը պատրաստ է ստորագրման»,- նշել է Դեմիրօղլուն։
Ըստ նրա՝ HÜRKUŞ-ի նկատմամբ մեծ հետաքրքրություն կա Պարսից ծոցի, Աֆրիկայի և Հարավային Ամերիկայի երկրների կողմից։ TUSAŞ-ի ղեկավարի խոսքով՝ պոտենցիալ հաճախորդները դիտարկում են ինքնաթիռի ինչպես ուսումնական, այնպես էլ զինված տարբերակների ձեռքբերումը։
HÜRKUŞ 2-ն առաջին թռիչքը կատարել է 2024 թվականի դեկտեմբերին: Ընկերության տվյալներով՝ նոր մոդելն ավելի արագ է, թեթև և ավելի մանևրային, քան նախորդ տարբերակները՝ շնորհիվ թարմացված դիզայնի, բարելավված աերոդինամիկայի և ժամանակակից խցիկի սարքավորումների:
TUSAŞ-ը HÜRKUŞ 2-ն անվանում է իր դասի ամենամանևրային ինքնաթիռներից մեկը:
Թարգմանությունը՝ Էմմա Չոբանյանի
