Զելենսկին պնդում է, թե ՌԴ-ն պատրաստվում է Հյուսիսային Կորեայից լրացուցիչ 30,000 զինվորականի ներգրավել

Փհենյանը պատրաստվում է Ռուսաստանին ավելի շատ բալիստիկ հրթիռների արձակման համակարգեր փոխանցել։ Այս մասին հայտարարել է Ուկրաինայի նախպագահ Վլադիմիր Զելենքկին՝ շարունակելով պնդել, որ զարգացումները սպառնալիք են ներկայացնում Ուկրաինայից դուրս։

«Ռուսաստանը ցանկանում է Հյուսիսային Կորեայից ստանալ ևս 30,000 զինվորականի։ Հունիսից ի վեր Ռուսաստանի Վորոնեժի մարզում նախապատրաստական ​​​​աշխատանքներ են տարվում նրանց ընդունելու համար։ Հյուսիսային Կորեան նաև պատրաստվում է Ռուսաստանին փոխանցել բալիստիկ հրթիռների լրացուցիչ արձակման համակարգեր։ Ռուսաստանն օգնում է Հյուսիսային Կորեային սովորել՝ ինչպես պատերազմել, կատարելագործել իր զենքերը և ձեռք բերել իրական մարտական ​​փորձ դրանք օգտագործելու հարցում։ Այս ամենը սպառնալիք է Ասիայում բնակվող բոլոր նրանց համար, ովքեր գտնվում են Հյուսիսային Կորեայի հրթիռների հասանելիության սահմաններում»,- ժողովրդիդն ուղղված իր երեկոյան հեռուստատեսային ուղերձում ասել է Զելենսկին։

Նա նաև ներկայացրել է աշնանը լրացուցիչ զորքեր մոբիլիզացնելու՝ Ռուսաստանի ծրագրերի վերաբերյալ հետախուզական զեկույցները, որը նա վերագրել է  Մոսկվայի ծանր կորուստներին։

«[Վլադիմիր Պուտինի] զոհերի թվերը խոսում են իրենց մասին։ Այս տարի յոթ ամսից էլ պակաս ժամանակահատվածում 221,000 մարդ միացել է Ռուսաստանի զինված ուժերին։ Նույն ժամանակահատվածում ռուսական կորուստները կազմել են գրեթե 225,500, որոնցից 131,000-ը՝ սպանված և գրեթե 93,000-ը՝ վիրավոր։ Պուտինը պատրաստվում է պարզապես ավելի շատ ռուսների ուղարկել պատերազմ։ Նա դա քողարկում է տարբեր բառերով և ազդանշաններով, բայց դա այն է, ինչ նա պատրաստվում է անել»,- ասել է Զելենսկին՝ շարունակելով կոչ անել Ուկրաինայի միջազգային գործընկերներին բավարար ճնշում գործադրել Կրեմլի վրա, որպեսզի խաղաղությունը դառնա շարունակական պատերազմի նախընտրելի տարբերակ։