15.08.2026 | 18:47
Իտալիայում հայտնաբերել են Ռենուարի, Սեզանի և Մատիսի գողացված կտավները
Դավիթ Ղազինյանը ազատ արձակվեց
Հասարակություն
24.07.2026 | 19:31
«Ուժեղ Հայաստան» կուսակցության անդամ Դավիթ Ղազինյանի խափանման միջոց կալանքը վերացվել է։ Հակակոռուպցիոնը դատարանը բավարարել է պաշտպանների միջնորդությունը՝ չկիրառելով խափանման որևէ միջոց, այդ թվում`գրավը։
Հիշեցնենք՝ ընտրակաշառք տալու նախապատրաստության մեղադրանքով Դավիթ Ղազինյանը հունիսին երկու ամսով կալանավորվել էր. Հակակոռուպցիոն դատարանը բավարարեց նախաքննական մարմնի միջնորդությունը։
Հունիսի 6-ին Հակակոռուպցիոն կոմիտեն հաղորդագրություն և ձայնագրություն էր տարածել, որտեղ նշվում էր Ղազինյանի կողմից 1,4 մլն դրամ ենթադրյալ ընտրակաշառք տալու մասին։ «ՀՀ հակակոռուպցիոն կոմիտեի ծառայողների կողմից իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Երևանի Արաբկիր վարչական շրջանի գրասենյակում որպես պատասխանատու նշանակված անձինք, ինչպես նաև նույն կուսակցության պատգամավորի թեկնածու գրանցված Դավիթ Ղազինյանը, կուսակցության համակիրների և նրանց հետ համագործակցող մի խումբ անձանց հետ նախնական համաձայնությամբ ընտրողներին խոստացել, ինչպես նաև տվել են ընտրակաշառք: Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»։
Ղազինյանը Factor TV-ի հետ զրույցում հերքել էր, թե ընտրակաշառք է տվել կամ խոստացել։
