17.06.2026 | 15:12
Ռոբերտ Քոչարյանը կզրկվի՞ անձեռնմխելիությունից. ԿԸՀ-ն քննում է միջնորդությունը. ՈՒՂԻՂ
Սա իշխանության վախերի մասին է․ Դավիթ Ղազինյան․ ՏԵՍԱՆՅՈՒԹ
Հասարակություն
17.06.2026 | 13:30
«Ուժեղ Հայաստան» դաշինքի պատգամավորի թեկնածու Դավիթ Ղազինյանը վստահ է, որ Կենտրոնական ընտրական հանձնաժողովը կբավարարի իրեն անձեռնմխելիությունից զրկելու վերաբերյալ ներկայացված միջնորդությունը։
ԿԸՀ նիստից առաջ լրագրողների հետ զրույցում նա հայտարարեց, որ իր դեմ նախաձեռնված գործընթացը քաղաքական շարժառիթներ ունի։ Լրագրողի հարցին՝ արդյոք իշխանությունները փորձում են սահմանափակել իր քաղաքական ակտիվությունը, պատգամավորը պատասխանեց, որ նման տպավորություն ունի։
«Կարծում եմ՝ այո։ Չգերագնահատելով իմ անձը, բայց սա ուղղված է և՛ իմ ակտիվության դեմ, և՛ մեր քաղաքական ուժի։ Տարբեր անոնսները տվել են արդեն, այնպես որ զարմանալի չէ, գաղտնիք չէ»,- նշեց նա։
Հիշեցնենք՝ Դատախազությունը միջնորդություններ է ներկայացրել Կենտրոնական ընտրական հանձնաժողով «Ուժեղ Հայաստան» դաշինքի պատգամավորի թեկնածու Դավիթ Ղազինյանի նկատմամբ քրեական հետապնդում հարուցելու և ազատությունից զրկելու համաձայնություն ստանալու նպատակով: Նիստը դռնփակ է։ Սա հաջորդել էր Հակակոռուպցիոն կոմիտեի տարածած հաղորդագրությանը։
«Իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Երևանի Արաբկիր վարչական շրջանի գրասենյակում որպես պատասխանատու նշանակված անձինք, ինչպես նաև նույն կուսակցության պատգամավորի թեկնածու գրանցված Դ. Ղ.-ն, կուսակցության համակիրների և նրանց հետ համագործակցող մի խումբ անձանց հետ նախնական համաձայնությամբ ընտրողներին խոստացել, ինչպես նաև տվել են ընտրակաշառք»:
Դավիթ Ղազինյաննն ուրբաթ Factor TV-ի հետ զրույցում հերքել էր, թե ընտրակաշառք է տվել կամ խոստացել։
Մանրամասները՝ տեսանյութում։
