21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
«Չելսին» ռեկորդային տրանսֆեր է իրականացրել
22.07.2026 | 13:54
Լոնդոնի «Չելսին» պաշտոնապես հայտարարել է Անգլիայի հավաքականի կիսապաշտպան Մորգան Ռոջերսի տեղափոխության մասին։
23-ամյա ֆուտբոլիստը 7 տարվա պայմանագիր է կնքել անգլիական ակումբի հետ։
Sky Sports-ի համաձայն՝ Ռոջերսի տրանսֆերի համար «Չելսին» 117 միլիոն ֆունտ ստերլինգ (շուրջ 137 միլիոն եվրո) է վճարել անգլիական «Ասթոն Վիլային»։ Դա ռեկորդային տրանսֆերային արժեք է անգլիացի ֆուտբոլիստների համար։
Մինչև այս ամենաթանկ անգլիացի ֆուտբոլիստն Անգլիայի հավաքականի կիսապաշտպան Էլիոթ Անդերսոնն էր, որին ձեռք բերելու համար «Մանչեսթեր Սիթին» 116 միլիոն ֆունտ ստերլինգ էր վճարել «Նոթինգհեմ Ֆորեսթին»։
Մորգան Ռոջերսը 2024 թվականից էր խաղում «Ասթոն Վիլայում», որի կազմում անցկացրել է 125 հանդիպում, դարձել 31 գոլի ու 29 գոլային փոխանցման հեղինակ։ ԱՄՆ-ում, Կանադայում և Մեքսիկայում ավարտված աշխարհի առաջնությունում նա մասնակցել էր 7 խաղի ու կատարել 1 ասիստ։
