05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ԵՄ-ում մտադիր են սահմանափակել երեխաների մուտքը սոցցանցեր
Հաղորդաշարեր
02.07.2026 | 14:22
Եվրոպական հանձնաժողովի նախագահ Ուրսուլա ֆոն դեր Լայենը պատրաստվում է հայտարարել ԵՄ մակարդակով երեխաների կողմից սոցիալական ցանցերի օգտագործման արգելք սահմանելու ծրագրերի մասին։ Euractiv-ի աղբյուրների համաձայն՝ ֆոն դեր Լայենն այս նախաձեռնությունը կքննարկի սեպտեմբերի 16-ին իր տարեկան ելույթում։ Նման արգելքի իրավական հիմքը, ըստ Եվրոպական հանձնաժողովի աղբյուրի, դեռևս չի մշակվել, գրում է Meduza-ն։
Euractiv-ը նաև գրում է, որ ներկայում պարզ չէ, թե որն է լինելու անչափահասների համար սոցիալական ցանցեր մուտք գործելու նվազագույն տարիքը, ինչպես նաև այն, թե ինչպես է արգելքը կիրառվելու: ԵՄ երկրների մակարդակով առաջարկվում են տարբեր վերահսկողության մեխանիզմներ՝ ծնողների համաձայնությունից մինչև տարիքի ստուգման տեխնոլոգիաների կիրառումը։
Լրատվամիջոցի աղբյուրները նշել են, որ Եվրահանձնաժողովը փորձում է ավելի արագ գործել՝ ընդունելով ընդհանուր կանոններ ամբողջ ԵՄ-ի համար, նախքան ԵՄ անդամ պետությունների օրենքները չափազանց չեն հեռացել մեկը մյուսից այս հարցում։
Ավստրալիան դարձել է աշխարհում առաջին երկիրը, որը 2024 թվականին օրենքով արգելել է 16 տարեկանից փոքր երեխաների կողմից սոցիալական ցանցերի օգտագործումը։ Մեծ Բրիտանիան ևս նախատեսում է նմանատիպ սահմանափակումներ կիրառել։
ԵՄ երկրները, այդ թվում՝ Ֆրանսիան և Իսպանիան, նույնպես նախատեսում են երեխաների կողմից սոցցանցերի օգտագործման արգելք սահմանել։
Թարգմանությունը՝ Էմմա Չոբանյանի
