Չերևացող սեկցիաները` վարորդներին շփոթության մեջ գցելով եկամուտ ստանալու աղբյուր

Խորենացի-Մաշտոց խաչմերուկը վարորդները համարում են ամենաեկամտաբեր լուսացույցով խաչմերուկը: «Վարորդի ընկեր» հասարակական կազմակերպության համահիմնադիր Սերգեյ Ղահրամանյանը նշում է՝ յուրաքանչյուր մեկ րոպեում այստեղ մեկ խախտում է գրանցվում: Եղել են դեպքեր, երբ մեկ լուսացույցի շրջանի ժամանակ իրար հետևից տասը մեքենա է անցել՝ սեկցիայի չերևալու պատճառով:

Սերգեյ Ղահրամանյանն ասում է, որ իրենց կողմից Ճանապարհային ոստիկանությանն ուղարկվող ցանկացած գրություն իր հետ ունենում է երեքից ավելի լուծման տարբերակներ: Լրացուցիչ սեկցիայի խնդրի լուծման ձևեր ևս առաջակվել են. «Զարգացած երկրներում յուրաքանչյուր երթևեկելի գոտի ունի իր առանձնացված լուսացույցը: Դա հնարավո՞ր է մեզ մոտ անել, հնարավոր է, կանե՞ն, բնականաբար չեն անի: Մենք առաջարկեցինք՝ միայն սեկցիաների համար առանձին լուսացույց տեղադրվի, կրկին չստացվեց, ասեցինք՝ հիմա փակ է, ամբողջությամբ թող կարմիր լինի, ասեցին՝ դա հակասում է օրենքին, որովհետև երկու կարմիր կլինի: Իսկ ի՞նչ տարբերություն երկու կարմիր, թե երկու կանաչ: Անցած տարի, երբ մենք ճանապարհային ոստիկանություն շատ անգամներ դիմեցինք, փոփոխություններ արվեցին: Մի քանի լուսացույցի կողքերը սպիտակ լույսեր ավելացրին, օրինակ՝ Օպերայի հատվածում, Հաղթանակ կամրջի հատվածում: Հետաքրքիրը որն է՝ ավելացրին այնպիսի հատվածներում, որտեղ շատ խախտումներ չկային: Եվ նույն այս խաչմերուկում ինչո՞ւ չի ավելացված»,- տարակուսում է Սերգեյ Ղահրամանյանը:

Մանրամասները՝ տեսանյութում:

Մարինե Խաչատրյան