Սեդա Սաֆարյանն աչքերիս էր նայում ու հարցի անվան տակ պնդում անում. Արամ Օրբելյան․ ՏԵՍԱՆՅՈՒԹ

Լուրեր

19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
Բոլորը

Սահմանադրական դատարանում ընտրությունների արդյունքների վիճարկման գործով նիստի ընդմիջմանը ԲՀԿ ներկայացուցիչ, փաստաբան Արամ Օրբելյանը Factor TV-ի հարցին ի պատասխան մեկնաբանեց ՍԴ նախագահի կողմից իրեն հայտարարված նկատողությունը՝ նշելով, որ այն տրվել է առանց թույլտվության խոսելու համար, մինչդեռ ինքը պարզապես առարկել է դատավորի հարցադրման ձևակերպմանը։

Օրբելյանի խոսքով՝ դատավարությունում օգտագործվել է, իր ձևակերպմամբ, «մերկացնող հարց», որը, ըստ նրա, դատավարական կանոններով անթույլատրելի է և կարող է հիմք հանդիսանալ դատավորի վարույթից հեռացման համար։ Նա նշել է, որ եթե հարցը վերաբերեր տարբեր պետությունների գործողությունների ազդեցությանը ընտրությունների վրա, այն կլիներ թույլատրելի, սակայն, ըստ նրա, ՍԴ դատավոր Սեդա Սաֆարյանի հարցադրումները պարունակել են արդեն իսկ կանխորոշված պնդումներ։

Փաստաբանը նաև դժգոհեց, որ նիստի ընթացքում շարունակաբար խոսվել է «երեք ուժերի» մասին՝ չհստակեցնելով դրանց անվանումները։ Նրա համոզմամբ՝ դա կարող է վկայել կողմնակալ վերաբերմունքի մասին։

Անդրադառնալով ՍԴ դատավոր Սեդա Սաֆարյանին՝ Օրբելյանն ասաց, որ իրենց նպատակը դատավորի ինքնաբացարկ պահանջելը չէր, այլ դատարանի ուշադրությունը հնարավոր անաչառության խնդրի վրա հրավիրելը։

«Մենք գտնում ենք, որ հիմքերը կան, որ Սեդա Սաֆարյանի մասնակցության անհնարինությունը բարձրացվի։ Խնդիրը ոչ թե նրանում է, որ հարցը դուր չի գալիս, այլ նրանում, որ Սեդա Սաֆարյանը հարցի անվան տակ կատարում է հստակ պնդումներ»,- հայտարարեց նա։

Օրբելյանը նշեց, որ իրենց բողոքում արձանագրված է նաև այն դիրքորոշումը, ըստ որի՝ օտարերկրյա պետությունները միջամտել են Հայաստանի ընտրական գործընթացին՝ կոնկրետ քաղաքական գործիչների անվանական աջակցություն հայտնելով։

Նշենք, որ նիստի ընթացքում ՍԴ դատավոր Սեդա Սաֆարյանը ընդդիմադիր ուժերի ներկայացուցիչներից հետաքրքրվեց․ «Ես խնդրում եմ պարզաբանել, թե ընտրություններից առաջ, նաև շատ ավելի առաջ, Ռուսաստանի Դաշնության նախագահի և մի շարք բարձրաստիճան պաշտոնյաների խոսքերը, որոնք հիմնականում պաշտպանության տակ էին առնում այս երեք ուժերին և չէին էլ թաքցնում դա, ի՞նչ ազդեցություն կարող էին ունենալ ընտրությունների արդյունքների վրա՝ ընտրողի ազատ կամքի ձևավորման վրա, և ինչո՞ւ այս գործոնը դուրս է մնացել ձեր դիմումի փաստարկներից»։

Մանրամասները` տեսանյութում: