06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Դա մեր գնահատականը չի փոխում. Փաշինյանը` Հայկ Թորոյանի վերաբերյալ ՄԻԵԴ վճռի մասին․ ՏԵՍԱՆՅՈՒԹ
Հասարակություն
25.06.2026 | 13:13
«Միջազգային իրավական ինստիտուտները աշխատում են, և դա նորմալ գործընթաց է, և պետք է տեղի ունենա, և դա մեր գնահատականը չի փոխում»,- Կառավարության նիստից հետո ճեպազրույցի ընթացքում ասաց վարչապետ Նիկոլ Փաշինյանը՝ անդրադարնալով Մարդու իրավունքների եվրոպական դատարանի կայացրած վճռին, որով Ադրբեջանը մեղավոր է ճանաչվել հայ զինծառայող, մայոր Հայկ Թորոյանին խոշտանգելու և գլխատելու համար։
Պատասխանելով լրագրողի հարցին, թե ինչու է վարչապետը «հավասարության նշան» դնում հայկական և ադրբեջանական կողմերի գործողությունների միջև, Փաշինյանն արձագանքեց․ «Ես Հայաստանի և Ադրբեջանի գործողությունների միջև հավասարության նշան երբեք չեմ դրել։ Դա արել է կալուգացի օլիգարխը, երբ որ պատերազմի ժամանակ կոչով էր հանդես գալիս Հայաստանին և Ադրբեջանին՝ նրանց, ըստ էության, դնելով մեզ ու Ադրբեջանին դնելով նույն տրամաբանության մեջ։ Ինչ վերաբերում է իմ ասածին, իմ ասածն այն է, որ խաղաղություն է հաստատված, և խաղաղության նկատմամբ պետք է հոգ տանել, հակառակ դեպքում այդ խաղաղությունը շատ հեշտությամբ կարելի է ջախջախել և վերացնել, որի արդյունքում մենք կունենանք այլ բազմաթիվ դեպքեր, որոնք, ենթադրում եմ, Ադրբեջանն էլ կունենա, որ հետո ստիպված կլինենք միջազգային ատյաններում հետամուտ լինել»։
Մանրամասները տեսանյութում։
