17.06.2026 | 20:31
Կլաուդիա Բուշը Գերմանիայի դաշնային կառավարության անունից ՊՆ-ին է փոխանցել 16 ձյունագնաց
Մոսկվայում ու հարակից շրջաններում արգելվել են թեթև ինքնաթիռների և քաղաքացիական ԱԹՍ-ների թռիչքները
Քաղաքականություն
17.06.2026 | 19:14
ՌԴ Պաշտպանության նախարարության պահանջով՝ «Ռոսավիացիա»-ն արգելել է թեթև ու գերթեթև ինքնաթիռների, ինչպես նաև քաղաքացիական անօդաչու թռչող սարքերի թռիչքները մինչև 5,2 կիլոմետր բարձրության վրա Կենտրոնական Ռուսաստանի մի քանի շրջաններում, գրում է Meduza-ն։
Օդային տարածքի սահմանափակումներն ուժի մեջ կմտնեն հունիսի 20-ից՝ Մոսկվայի, Մոսկվայի մարզի մեծ մասի և Ռյազանի, Տուլայի, Կալուգայի, Տվերի, Յարոսլավլի և Վլադիմիրի մարզերի որոշ հատվածների վրա։
«Ռոսավիացիա»-ն այս միջոցառումները բացատրել է «թռիչքների անվտանգության ապահովման» նպատակներով։ Պլանավորված և չարտերային չվերթները չեն ենթարկվում սահմանափակումների։
Արգելքն ուժի մեջ կմնա՝ «մինչև հատուկ ծանուցում»։
Թեթև ու գերթեթև ինքնաթիռները, իրենց կառուցվածքի պատճառով, չեն կարող բարձրանալ հինգ կիլոմետրից ավելի։
Օդաչուների և ինքնաթիռների սեփականատերերի միջտարածաշրջանային հասարակական կազմակերպությունը մայիսի վերջին հայտարարել էր նման արգելք մտցնելու ծրագրերի մասին։ «Կոմերսանտը» հաղորդել էր, որ այն գոտիներում, որտեղ ՊՆ-ն արգելում է թռիչքները, տասնյակ օդանավակայաններ կան, և սահմանափակումները կազդեն մոտավորապես 1000 մասնավոր օդաչուների վրա։
Թարգմանությունը՝ Էմմա Չոբանյանի
