06.07.2026 | 08:56
Խուզարկում են Գագիկ Ծառուկյանի տունը
Լեգիտիմ խորհրդարան չէ. ՍԴ ենք դիմելու և քննարկենք պայքարի մյուս ձևերը. Լևոն Քոչարյան․ ՏԵՍԱՆՅՈւԹ
Քաղաքականություն
14.06.2026 | 22:48
Եթե ԲՀԿ-ին պակասում էր մոտ (եթե չեմ սխալվում) 120-130 ձայն, որպեսզի ինքն անցներ խորհրդարան, ապա եթե «Բարգավաճ Հայաստանը» հայտնվեր խորհրդարանում, ՔՊ-ն չէր ունենում 3/5։ Այս մասին Factor TV-ի հետ զրույցում նշեց պատգամավոր Լևոն Քոչարյանը։
«Հիմա այն տեղամասերը, որոնք անվավեր են ճանաչվել, «Բարգավաճ Հայաստանը» միասին ուներ 200-ից ավելի ձայն։ Այսինքն՝ եթե այդ ձայները հաշվվում էին, ինքն անցնում էր խորհրդարան, ու «Քաղաքացիական պայմանագիրը» զրկվում էր 3/5-ից։ Հիմա, փաստորեն, Կենտրոնական ընտրական հանձնաժողովն ասում է՝ դա էական ազդեցություն չէր ունենալու վերջնական արդյունքների վրա։ Իսկ եթե դա չէր ունենալու, էլ ի՞նչն էր ունենալու վերջնական արդյունքի վրա ազդեցություն։ Հասկանում եք՝ ուղղակի ոչ մի ձև տրամաբանությանը չի դիմանում, էլի՛։ Այս կեղծարարության աստիճանն այնպես ակնհայտ է, որ օրը ցերեկով… չգիտեմ, նորմալ չէ ամեն ինչը»,-ասաց նա։
Լևոն Քոչարյանը նշեց՝ հաջորդ քայլը Սահմանադրական դատարան դիմելն է լինելու։
«Դրանից զատ՝ արդեն պետք է համատեղ մյուս մեր գործընկերների հետ հասկանանք պայքարի մնացած ձևերը, որոնք են կիրառվելու։ Սա մի հոգու խնդիր չէ. թեկուզ ԲՀԿ-ի մանդատների հարցն էր, բայց սա ընդհանուր իրավիճակի խնդիրն է, ու կարծում եմ՝ այս որոշումները պետք է ընդունվեն միաձայն»,-ընդգծեց նա։
Մանրամասները՝ տեսանյութում։
