28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Պետք էր այդ պահին դա ասելը. ԳՇ պետը՝ ադրբեջանցիների՝ սննդի մատակարարման պատճառով ՀՀ տարածքից դուրս գալու ձևակերպման մասին․ ՏԵՍԱՆՅՈՒԹ
Քաղաքականություն
09.06.2026 | 15:45
Ամրաշինական աշխատանքների իրականացումը դա ինժեներական ապահովման տեսակի բաղկացուցիչ մասն է, որը զորքը այս կամ այն վայրում տեղակայվելուց ինքը պետք է իրականացնի: Այս մասին ԱԺ-ում լրագրողների հետ զրույցում նշեց Գլխավոր շտաբի պետ Էդվարդ Ասրյանը։
«Իսկ մեր նաև պարտականությունն է, որ դրա մասին… այսինքն՝ Հայաստանի Հանրապետության տարածքում ադրբեջանական զորքերի՝ զինուժի կողմից աշխատանքներ իրականացնելուց մենք էլ ահազանգ ենք տալիս, ու մենք դա ահազանգում ենք համապատասխան ճանապարհներով»,- ասաց նա։
Ասրյանին հիշեցրին նաև 2022-ի սեպտեմբերի 16-ի հայտարարությունը Ջերմուկի դիրքերում ադրբեջանցիների գտնվելու վերաբերյալ։ Նա, հիշեցնենք, ասել էր․ «Մխրճումը ոչ թե ամբողջ ճակատով հակառակորդի կողմից հասել են Ջերմուկի մատույցներ, այլ միայն մեկ խումբ, որը, կտրված իր ստորաբաժանումներից, գտնվում է այդ բլրի գագաթի վրա։ Եվ կենսունակության տեսակետից՝ եթե հակառակորդի այդ խմբի սնուցում չլինի թե՛ սննդով, թե՛ ջրով (նույնիսկ եթե հատուկ պատրաստված ստորաբաժանում լինի), ապա մի քանի օրվա ընթացքում նրանց ռեսուրսները լրիվությամբ կսպառվեն, և ստիպված կլինեն այդտեղից դուրս գալու»։
Սակայն մինչև այժմ ադրբեջանցիները չեն թողել այդ հատվածը։ Այսօր ԱԺ-ում ԳՇ պետն ասաց․ «Ես եմ ասել: Այդ պահին պետք էր դա ասել, ու ես չեմ բարձրաձայնի հանրության առջև, թե ինչու եմ ասել: Ես եմ ասել, ես չեմ զլանում դա հաստատել, որ ասել եմ. դա պետք էր այդ պահին ասել, իսկ թե ինչու՝ ես դա չեմ ասի, դա կմնա իմ մեջ»։
Մանրամասները՝ տեսանյութում։
