26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Ծրարների թափանցիկության շուրջ հարցեր․ ինչ են ասում Իոանիսյանն ու ԿԸՀ-ն
07.06.2026 | 18:49
Քվեաթերթիկների ծրարների թափանցիկության վերաբերյալ ահազանգերի ֆոնին «Անկախ դիտորդ» դաշինքի ներկայացուցիչ Դանիել Իոանիսյանը նշել է, որ տարբեր ընտրատեղամասերում շրջանառվում են արտաքին տեսքով տարբեր ծրարներ։
Նրա խոսքով՝ դրանք տպագրական առումով որոշ տարբերություններ ունեն, ինչը կարող է պայմանավորված լինել տարբեր խմբաքանակներով կամ տարբեր ժամանակահատվածներում տպագրված լինելու հանգամանքով։
«Դրանց լուսաթափանցելիությունը տարբեր է։ Ես, օրինակ, ոչ մեկում, ոչ մյուսում քվեաթերթիկը չեմ տարբերում, բայց որոշակի լույսի, որոշակի պայմանների դեպքում հնարավոր է, որ երևա»,- ասել է Իոանիսյանը։
Միաժամանակ, Կենտրոնական ընտրական հանձնաժողովից կրկին վերահաստատել են, որ օգտագործվող ծրարները տպագրվել են նույն տպարանում։
ԿԸՀ-ն ավելի վաղ հայտնել էր, որ քվեաթերթիկներն ու ծրարները տպագրվել են «Տիգրան Մեծ» հրատարակչությունում։
Factor TV-ին, սակայն, չի հաջողվել կապ հաստատել հրատարակչության ներկայացուցիչների հետ՝ պարզելու համար, թե արդյոք տարբեր խմբաքանակների դեպքում հնարավոր է ծրարների տեխնիկական առանձնահատկությունները տարբերվեն և որոշ պայմաններում ազդեն դրանց լուսաթափանցելիության վրա։
Անի Թամրազյան
