Քաղաքականություն
07.06.2026 | 16:26«Լուսավոր Հայաստան» կուսակցության վարչապետի թեկնածու Էդմոն Մարուքյանը քվեարկությունից հետո լրագրողների հետ զրույցում անդրադարձել է նախընտրական քարոզարշավին, ընտրակաշառքի վերաբերյալ ձայնագրություններին և հետընտրական հնարավոր զարգացումներին։
Մարուքյանը նշել է, որ իր գլխավոր ակնկալիքն այն է, որ քաղաքական միտքն ու պառլամենտարիզմը կվերադառնան Հայաստանի խորհրդարան։ Անդրադառնալով ընտրություններին քաղաքացիների ակտիվ մասնակցությանը՝ նա ընդգծել է, որ հանրապետության տարբեր քաղաքներում, այդ թվում՝ Վանաձորում և Գյումրիում, արձանագրվում է բարձր մասնակցություն։ Ըստ նրա՝ դա վկայում է այն մասին, որ քաղաքական ուժերին քարոզարշավի ընթացքում հաջողվել է մոբիլիզացնել ժողովրդին։
Անդրադառնալով հետընտրական սցենարներին՝ Մարուքյանը նշել է, որ ԼՀԿ-ն լավատես է և չի սպասում բախումների կամ «Մարտի 1-ի» սցենարի կրկնության։ Նա վստահեցրել է, որ եթե ընտրությունների արդյունքները կեղծվեն, իրենք կհայտարարեն ոչ լեգիտիմ իշխանության ձևավորման մասին, սակայն հորդորել է քաղաքացիներին չդեմոտիվացվել և ակտիվորեն գնալ ընտրատեղամասեր՝ հավատալով, որ յուրաքանչյուր քվե հասնելու է իր նպատակակետին։
Մարուքյանը ևս մեկ անգամ բացառել է «Քաղաքացիական պայմանագիր» կուսակցության հետ որևէ ձևաչափով կոալիցիայի կազմումը կամ իշխանության ձևավորումը։
Մանրամասները՝ տեսանյութում։
