06.09.2026 | 12:55
Շիրակի մարզի Արթիկ համայնքում փորձարկվելու է էլեկտրաշչակ
«Դիտորդական կազմակերպություններից մոլորյալներ են եղել». Վաղարշապատի ընտրատարածքային հանձնաժողովի նախագահ․ ՏԵՍԱՆՅՈՒԹ
07.06.2026 | 14:19
Վաղարշապատ համայնքում իր ընտրական իրավունքն արդեն իրացրել է 11 հազար 910 ընտրող կամ ընտրական իրավունք ունեցող 91 հազար 52 քաղաքացիների 13 տոկոսը։ Այս մասին Factor TV-ին հայտնեց թիվ 14 ընտրատարածքային հանձնաժողովի նախագահ Գրիգոր Նազարյանը։
«Թիվ 14 ընտրատարածքային ընտրական հանձնաժողովի տարածքում ձևավորված 65 տեղամասային կենտրոններից 64-ը ժամը 8:00-ին բացվել են, խնդիրներ, հարցադրումներ գրեթե չեն եղել: Մինչև այս պահը դիմում-բողոք որևէ կողմից չենք ստացել։ Քվեարկությունը, ընդհանուր առմամբ, բնականոն հունով է գնում: 65-րդ տեղամասն «Արմավիր» քրեակատարողական հիմնարկն է, որտեղ քվեարկությունը սկսվել է ժամը 11:00-ից։ Ունեցել ենք շրջիկ արկղ, որը կազմակերպվել է ձերբակալվածների պահման վայրում, քվեարկությունն ավարտվել է: Ակտիվություն ավելի շատ նկատվում է Էջմիածին քաղաքում, քան գյուղական համայնքներում»,- ասաաց նա։
Հանձնաժողովի նախագահի խոսքով՝ ընտրախախտումների վերաբերյալ ահազանգեր չեն եղել։
«Դիտորդական կազմակերպություններից մոլորյալներ են եղել, որ այլ դռնից են փորձել մտնել ընտրատեղամաս, չեն թույլատրել, զանգել ասել են՝ չեն թողնում, հետո պարզվել է՝ գլխավոր դռնից պետք է մտնեին։ Զուգահեռ ստիպված փորձել ենք նաև այդպիսի խնդիրներ լուծել, որոնք, կարծում եմ, ընդհանուր ընտրական գործընթացի հետ կապված էական որևէ ազդեցություն չունեցող բաներ են»,- հավելեց Գրիգոր Նազարյանը։
Մանրամասները՝ տեսանյութում։
Ռոզա Վարդանյան
