Ալեն Սիմոնյանը դստեր հետ մասնակցեց ընտրությանը․ ՏԵՍԱՆՅՈՒԹ

Ալեն Սիմոնյանն ակնկալում է, որ 2031 թվականին նույնպես «Քաղաքացիական պայմանագիր» կուսակցության թեկնածուն Նիկոլ Փաշինյանը կլինի։ Աղջկա հետ ընտրություններին մասնակցելուց հետո ԱԺ նախագահը պատասխանեց լրագրողների հարցերին շեշտելով՝ չի կարելի Նիկոլ Փաշինյանի՝ 3 ընտրություններում անընդմեջ վարչապետի թեկնածու լինելը համեմատել Սերժ Սարգսյանի՝ 3-րդ անգամ առաջադրվելու ցանկության հետ։

«Պառլամենտական երկիրը ենթադրում է, որ կարող է տարին մեկ կամ վեց ամիսը մեկ ընտրություն լինի։ Դարձավ 3-4 ժամկե՞տ։ Համեմատում եք Սերժ Սարգսյանի և նախագահական երկրի տրամաբանությունը պառլամենտական տրամաբանության հե՞տ։ Այսինքն Սերժ Սարգսյանն էլ է երրորդ ժամկետի գնացել, Անգելա Մերկելը կամ Մարգարետ Թետչե՞րն էլ։ Պառլամենտական երկիրը ենթադրում է, որ կուսակցությունը երկու անգամ մասնակցելուց հետո պետք է ընտրությունների չմասնակցի՞»,- արձագանքել է Ալեն Սիմոնյանը։

Անդրադառնալով հետևընտրական պրոցեսների հավանականությանը՝ նա բացառել է նման զարգացումը և ինքն է կոչ արել ընդդիմություններին կազմակերպ հանրահավաքներ։

«Չի կարող այդպենսի բան լինել․ եթե ընտրությունները ազատ-արդար են, ինչպես 18 թվականից սկսած, ապա չի կարող այդպենսի բան լինել: Դա բացառվում, անհնար բան է, անհնար: Ընդդիմությունն արդեն գիտի, որ պարտվելու է, արդեն խոսում են հետընտրական զարգացումների մասին։ Ես պնդում եմ, որ ընդդիմությունը չի կարող հանրահավաք անի: Նույնիսկ եթե միավորվեն, իրենք չեն կարող հանրահավաք անել։ Կոչ եմ անում ընդդիմությանը անպայման հանրահավաք անի․ մի հատ շաբաթ օրը, մի հատ մյուս շաբաթվա մեջ։ Ասում եմ՝ չեն կարողանալու»։

Ալեն Սիմոնյանն անդրադարձել է նաև ընտրակաշառքների դեպքերին պնդելով, որ իրավապահներն աշխատում են ու շատ խիստ են լինելու, ասել, որ շատ գոհ է քարոզարշավի ընթացքում քաղաքացիների արձագանքից ու ամասնակցության բհարձր ցուցանիշ ապահովելու պատրաստակամությունից ու հայտնել, որ ըստ անհրաժեշտության պատրաստ են ու կարող են լինել ընդդիմություն։