16.08.2026 | 16:43
Ըմբիշներ Յուրիկ Պետրոսյանն ու Սամվել Տերտերյանը ԱԱ կիսաեզրափակչում են
Ուրախ կլինեի, որ երկիրը չտանենք նոր ցնցումների․Կարապետյանը՝ հետընտրական հնարավոր զարգացումների մասին․ ՏԵՍԱՆՅՈՒԹ
Քաղաքականություն
07.06.2026 | 13:34
«Ուժեղ Հայաստան» դաշինքի կուսակցության առաջնորդ Սամվել Կարապետյանը անդրադարձել է հետընտրական հնարավոր զարգացումներին, արտաքին քաղաքականությանը և իր նկատմամբ կիրառված իրավական սահմանափակումներին։
Հարցին, թե ընդդիմությունն ինչ սցենարների է պատրաստ իշխող ուժի հնարավոր հաղթանակի դեպքում և արդյոք հետընտրական հանրահավաքներ նախատեսվում են, Սամվել Կարապետյանը շեշտել է երկրում կայունություն պահպանելու անհրաժեշտությունը։
«Համենայն դեպս ես ուրախ կլինեի, որ մեր երկիրը չտանենք նոր ցնցումների, որովհետև ամեն մի ցնցում նորից մեր երկրի զարգացումը հետ է գցում»,- նշել է նա։
Դաշինքի առաջնորդը հավելել է, որ այսօր իր վերջնական խոսքն ասում է ժողովուրդը, և ինչպես ժողովուրդը որոշի, այդպես էլ կլինի։ Սամվել Կարապետյանն անդրադարձել է նաև արտաքին գործընկերների հետ հարաբերություններին՝ նշելով, որ Հայաստանը պետք է հավասարակշռված և լավ հարաբերություններ ունենա բոլոր ուժային կենտրոնների, այդ թվում՝ Ռուսաստանի, ԱՄՆ-ի ու Եվրամիության հետ։
«Հավասարակշռությունը մեր դեպքում միանշանակ կլինի»,- վստահեցրել է նա։
Մանրամասները՝ տեսանյութում։
