28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Հայաստանի հավաքականը ոչ-ոքի խաղաց Ղազախստանի հետ, Սպերցյանը գոլ խփեց. ՏԵՍԱՆՅՈՒԹ
06.06.2026 | 19:51
Ֆուտբոլի Հայաստանի ազգային հավաքականն ընկերական հանդիպում անցկացրեց Ղազախստանի հավաքականի հետ։ Գրանցվեց 1:1 հաշիվը։
Վազգեն Սարգսյանի անվան «Հանրապետական» մարզադաշտում կայացած հանդիպման առաջին խաղակեսն ավարտվեց 0:0 հաշվով։
Խաղի հաշիվը 50-րդ րոպեին բացեց Գրոզնիի «Թերեկի» հարձակվող Մաքսիմ Սամորոդովը` առաջ մղելով Ղազախստանի հավաքականին (տեսանյութ)։
3 րոպե անց դաշտի տերերը հավասարեցրին հաշիվը։ Հայաստանի հավաքականի պատասխան գոլը խփեց «Կրասնոդարի» ավագ Էդուարդ Սպերցյանը (տեսանյութ)։
25-ամյա կիսապաշտպանը Հայաստանի հավաքականում խփեց 11-րդ գոլը՝ հավասարվելով Մարկոս Պիզելիին ու Արթուր Պետրոսյանին։
ՖԻՖԱ-ի դասակարգման աղյուսակում Հայաստանի հավաքականը 106-րդն է, իսկ Ղազախստանը 110-րդ տեղում է։
Հունիսի 9-ին Եղիշե Մելիքյանի գլխավորած թիմն ընկերական խաղում կընդունի նաև Մոլդովայի հավաքականին։
Ընկերական հանդիպում
Հայաստան – Ղազախստան՝ 1:1
Էդուարդ Սպերցյան, 53 – Մաքսիմ Սամորոդով, 50
Հայաստան․ Օգնեյ Չանչարևիչ, Կամո Հովհաննիսյան (Արտյոմ Բադիկյան, 80), Գեորգի Հարությունյան, Խուլիո Բուենո, Էրիկ Փիլոյան, Նաիր Թիկնիզյան, Կառլեն Հովհաննիսյան (Տիգրան Ավանեսյան, 80), Էդուարդ Սպերցյան, Արթուր Սերոբյան (Էդգար Սևիկյան, 68), Արթուր Միրանյան (Գոռ Մանվելյան, 80), Հրանտ-Լեոն Ռանոս (Դավիդ Դավիդյան, 68)։
