03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
1 մլրդ դրամից ավելի է ծախսվել արտահիմնադրամային միջոցներից․ Եգորյանը՝ «Ուժեղ Հայաստան»-ի մասին. ՏԵՍԱՆՅՈՒԹ
Քաղաքականություն
05.06.2026 | 20:12
«Հանրապետություն» կուսակցությունը «Ուժեղ Հայաստան» դաշինքի ընտրականցուցակի գրանցումը ուժ կորցրած ճանաչելու դիմում ներկայացնելու որոշումը կայացրել է վերջին օրերին կատարված իրավական բացահայտումների արդյունքում: Այս մասին լրագրողների հետ զրույցում ասաց փաստաբան Տիգրան Եգորյանը:
«Եվ այդ որոշումը վերջնականապես հասունացավ այս վերջին մի երկու օր առաջ էր կարծեմ՝ դեպքի բացահայտմամբ, երբ պարզվեց, որ մեկ միլիարդ դրամը գերազանցող միջոցներ են ծախսվել, այսպես ասած, արտահիմնադրամային բյուջեից։
Բոլորիդ հայտնի է այդ դեպքը, ձերբակալության դեպքն է եղել, որտեղ, որի, այսպես ասած, առանցքում ընկած գործողությունները դիտարկվել են որպես և կարող են դիտարկվել որպես կամքի վրա ներգործության միջոցներ։ Եվ այն գումարը, որի մասին բացահայտում է արվել, չափազանց էական է, այն գերազանցում է կուսակցությունների համար թույլատրված հիմնադրամի առավելագույն շեմը», – ասաց նա:
Պատասխանելով հարցին, թե ինչու ավելի վաղ համապատասխան քայլեր չէին ձեռնարկվում, երբ մամուլում արդեն իսկ շրջանառվում էին խոշոր ծախսերի ու դրամահավաքների վերաբերյալ հրապարակումներ, փաստաբանը պարզաբանել է, որ աշխատանքները կատարվել են այն ուղղություններով, որոնցով նպատակահարմար է գնահատվել։ Նա հավելել է, որ մնացած բոլոր ուղղություններով պետք է մտածեն դրանում շահագրգռված անձինք կամ խմբերը։
Մանրամասները՝ տեսանյութում:
Անի Թամրազյան
