07.09.2026 | 18:33
Վճռաբեկը հրապարակեց որոշումը․ Կաթողիկոսի և 6 եպիսկոպոսների գործը կրկին ուղարկվեց Արմավիրի մարզի ընդհանուր իրավասության դատարան
ՆԳՆ-ն իրազեկում է խորհրդարանական ընտրությունների քվեարկության օրը գործող սահմանափակումների մասին
Հասարակություն
05.06.2026 | 13:27
Հայաստանում հունիսի 7-ին կայանալիք խորհրդարանական ընտրությունների քվեարկության օրը տեղամասային կենտրոններին հարող մինչև 50 մետր շառավղով տարածքներում արգելվում է խմբերով հավաքվելը, իսկ մուտքերին հարակից հատվածներում չի թույլատրվում տրանսպորտային միջոցների կուտակում՝ ընտրական գործընթացի բնականոն ընթացքն ապահովելու նպատակով։
Այդ մասին տեսանյութ է հրապարակվել Ներքին գործերի նախարարության «Ֆեյսբուք»-ի էջում։
ՆԳՆ-ից հայտնում են, որ ընտրատեղամասերի տարածքներում հասարակական կարգի պահպանումն իրականացվում է ոստիկանության ծառայողների կողմից, որոնք ծառայություն են իրականացնում տեղամասային կենտրոններում՝ անկախ ընտրական հանձնաժողովների լրացուցիչ պահանջներից։
Նախարարությունը կոչ է անում քաղաքացիներին պահպանել սահմանված կանոնները և նպաստել ընտրական գործընթացի խաղաղ և անխափան ընթացքին։
