28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
«Կոմոն» հետաքրքրված է Սպերցյանով, Ֆաբրեգասը զանգել է հայ ֆուտբոլիստին
05.06.2026 | 10:57
Հայաստանի ազգային հավաքականի և ռուսական «Կրասնոդարի» ավագ Էդուարդ Սպերցյանը կարող է կարիերան շարունակել իտալական «Կոմոյում»։
Ռուս ինսայդեր Իվան Կարպովը սոցցանցերում հայտնել է, որ «Կոմոյի» գլխավոր մարզիչ Սեսկ Ֆաբրեգասը զանգել է 25-ամյա կիսապաշտպանին և հայտնել, որ ցանկանում է տեսնել իր թիմում։ Դա է պատճառը, որ Սպերցյանը դադարեցրել է Սաուդյան Արաբիայի ավարտված առաջնության բրոնզե մեդալակիր «Ալ Ահլիի» հետ բանակցությունները։ Հայ ֆուտբոլիստի համար Իտալիա տեղափոխությունն առաջնահերթություն է։
Իտալիայի Ա Սերիայի ավարտված մրցաշրջանում «Կոմոն» գրավել էր չորրորդ տեղը և առաջին անգամ նվաճել Չեմպիոնների լիգայի ուղեգիր։
Էդուարդ Սպերցյանը «Կրասնոդարի» սան է, գործող պայմանագիրը նախատեսված է մինչև 2029թ․ հունիսի 30-ը։ Ռուսաստանի ավարտված առաջնությունում 25-ամյա կիսապաշտպանը մասնակցել էր բոլոր՝ 30 խաղերին, դարձել 13 գոլի ու 16 գոլային փոխանցման հեղինակ։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
