16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
UFC-ի չեմպիոնին արգելել են ներկա գտնվել Սպիտակ տան մրցաշարին Թրամփի և Նեթանյահուի մասին հայտարարություններից հետո
04.06.2026 | 18:28
UFC-ի միջին քաշային կարգի չեմպիոն Շոն Ստրիքլենդին արգելել են ներկա գտնվել Սպիտակ տան մրցաշարին։ Ամերիկացի մարտիկը հայտնել է, որ պատճառը ԱՄՆ նախագահ Դոնալդ Թրամփի ու Իսրայելի վարչապետ Բենյամին Նեթանյահուի մասին իր հայտարարություններն են։
«UFC-ն Սպիտակ տանը՝ Նեթանյահուի ներկայությամբ։ Նրանք արգելել են ինձ ներկա գտնվել։ Բայց երբ դուք ծաղրում եք ամերիկացի առաջնորդներին, նրանք էժանագին բաներ են անում։ Եվ առաջնորդներ ասելով՝ ես նկատի ունեմ Իսրայելը։
Ես ծաղրեցի Իսրայելին և Էպշտեյնին։ Միակ ամերիկացի տղամարդ չեմպիոնին արգելվել է մուտք գործել Սպիտակ տուն, քանի որ ասել է, որ Թրամփը պատկանում է Նեթանյահուին։ Սա կարծիք չէ, սա փաստ է»,- սոցցանցերում գրել է Շոն Ստրիքլենդը։
Հիշեցնենք, որ Սպիտակ տան մրցաշարը տեղի կունենա հունիսի 14-ին։ Գլխավոր մենամարտում կհանդիպեն UFC-ի թեթև քաշային կարգի գործող չեմպիոն Իլյա Տոպուրիան ու ժամանակավոր չեմպիոն, ամերիկացի Ջասթին Գեյջին։ Դրանից առաջ կկայանա բրազիլացի Ալեքս Պերեյրայի ու ֆրանսիացի Սիրիլ Գանի հանդիպումը ծանր քաշային կարգի ժամանակավոր տիտղոսի համար։ Կանցկավեն նաև Շոն Օ՛Մելի – Այման Զահաբի, Մաուրիսիո Ռուֆի – Մայքլ Չենդլեր, Բո Նիկալ – Կայլ Դոկաս և Դիեգո Լոպես – Սթիվ Գարսիա մենամարտերը։
