16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
Պերեսը հաստատել է, որ Մոուրինյուն կգլխավորի «Ռեալը», նախագահի մյուս թեկնածուն դեմ է պորտուգալացու նշանակմանը
04.06.2026 | 16:20
Լիսաբոնի «Բենֆիկայի» գխավոր մարզիչ Ժոզե Մոուրինյուն չի վերադառնա Մադրիդի «Ռեալ», եթե Ֆլորենտինո Պերեսը չվերընտրվի ակումբի նախագահի պաշտոնում։ Իսպանացի պաշտոնյան նախընտրական շտաբի քարոզչական տեսահոլովակում հայտնել է, որ ընտրվելու դեպքում պորտուգալացի մասնագետը կնշանակվի «Արքայական ակումբի» գլխավոր մարզիչ։
«Ռեալի» նախագահի մյուս թեկնածո Էնրիկե Ռիկելմեն էլ դեմ է արտահայտվել Մոուրինյուի նշանակմանը։
«Եթե հաղթեմ ընտրություններում, ես «Ռեալ» կբերեմ սուպերաստղային մարզիչի։ Ամենամեծ մարզչին, որին կարող եք պատկերացնել։
Ժոզե Մոուրինյուն մեր մարզիչը չէ։ Մենք կընտրենք նրան, ում իսկապես կցանկանան «Ռեալի» բոլոր երկրպագուները»,- ասել է Էնրիկե Ռիկելմեն։
Հիշեցնենք, որ Ժոզե Մոուրինյուն «Ռեալը» գլխավորել է 2010-2013 թվականներին՝ դառնալով Իսպանիայի չեմպիոն, գավաթակիր ու սուպերգավաթակիր։ Մադրիդյան ակումբից հեռանալուց հետո 63-ամյա մարզիչն աշխատել է «Չելսիում», «Մանչեսթեր Յունայթեդում», «Տոտենհեմում», «Ռոմայում», «Ֆեներբահչեում», իսկ «Բենֆիկա» վերադարձել է 2025թ․ սեպտեմբերին։
«Ռեալի» նախագահի արտահերթ ընտրությունները կկայանան հունիսի 7-ին։ 2006 թվականից հետո առաջին անգամ այդ պաշտոնին կհավակնի առնվազն երկու թեկնածու։ Ֆլորենտինո Պերեսը 2009 թվականից է «Ռեալի» նախագահը, պաշտոնը զբաղեցրել է նաև 2000-2006 թթ․։ Անցած տարի իսպանացին վերընտրվել էր պաշտոնում։
