04.06.2026 | 16:07
Ձեզ մեղավոր չե՞ք զգա, եթե Օսիպյանին մի բան պատահի. Փաշինյանը չմեկնաբանեց․ ՏԵՍԱՆՅՈՒԹ
Գյումրիի «Հայաստան» դաշինքի շտաբից համակարգիչներ ու փաստաթղթեր են առգրավվել
Հասարակություն
04.06.2026 | 15:03
Քննիչները քիչ առաջ ավարտեցին իրենց խուզարկությունը Գյումրիի «Հայաստան» կուսակցությունների դաշինքի շտաբում և առգրավված համակարգիչներով ու փաստաթղթերով հեռացան շենքից։
Հիշեցնենք՝ առավոտյան հայտնի դարձավ, որ բազմաթիվ անձանց նյութապես շահագրգռելու և առանձնապես խոշոր չափերով փողերի լվացման դեպքի առթիվ նախաձեռնված քրեական վարույթի նախաքննության ընթացքում 50-ից ավելի հասցեներում իրականացվում են խուզարկություններ:
Այսօր հրավիրված մամուլի ասուլիսի ժամանակ դաշինքի պատգամավորի թեկնածու Արծվիկ Մինասյանը, անդրադառնալով խուզարկություններին նշեց՝ այս «օպերացիան» իրականացնում է քաղաքական իշխանությունը, իր «հլուհպատակ իրավապահ համակարգով»։
«Այդ օպերացիաները, ակնհայտ է, որ ոչ մի լուրջ հետևանքներ չեն ունենում, որովհետև թե՛ իրենց հրապարակումները, թե՛ այսպես կոչված բացահայտումները ակնհայտորեն խոսում են այն մասին, որ իշխանությունը հասկանում է, որ հողը ոտքերի տակից գնում է և փորձում է սրանով կեղծ պատկեր ստեղծել հանրության մոտ և տալ, այսպես կոչված, հիմնավորումներ միջազգային կազմակերպությունների մոտ, թե՝ «տեսեք-տեսեք, Հայաստանում ընդդիմությունը իրականացնում է ընտրախախտումներ» և այլն, ինչ դեռ ամենախոշոր ընտրախախտողը իրենք են»,- նշեց Արծվիկ Մինասյանը։
Ռոզա Վարդանյան
