03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
RAF․ Արման Ծառուկյանը կմենամարտի Թբիլիսիում
04.06.2026 | 12:19
UFC-ի թեթև քաշային կարգի դասակարգման երկրորդ համար Արման Ծառուկյանը RAF (Real American Freestyle) լիգայում հերթական մենամարտը կանցկացնի Թբիլիսիում։
Հուլիսի 11-ին հայ մարտիկը Վրաստանի մայրաքաղաքում կմրցի Ղազախստանի ներկայացուցիչ Կուատ Խամիտովի հետ։ Ազատ ոճի ըմբշամարտի կանոններով մենամարտը կանցկացվի միջին քաշային կարգում, հաղորդում է RAF-ի մամուլի ծառայությունը։
Ավելի վաղ հայտնի էր դարձել, որ 29-ամյա Ծառուկյանը RAF-ում առաջիկա մենամարտերն անցկացնելու է UFC-ի նախկին մարտիկների հետ։ Հունիսի 13-ին մրցակիցը լինելու է ամերիկացի անվանի մարտիկ Թոնի Ֆերգյուսոնը, իսկ հուլիսի 18-ին՝ Քոլբի Քովինգթոնը։
Արման Ծառուկյանը այս տարվա հունվարին է նորամուտը նշել RAF-ում, որտեղ անցկացրել է 5 մենամարտ ու տարել նույնքան հաղթանակ։ Խառը մենամարտերում Հայաստանի ներկայացուցիչը մասնակցել է 26 հանդիպման, ունի 23 հաղթանակ ու 3 պարտություն։
38-ամյա Կուատ Խամիտովը MMA-ում ունի 28 հաղթանակ, 8 պարտություն և 2 ոչ-ոքի։
