04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Ծանոթանում ենք արտադրանքներին, հասկանանք՝ ինչը կարող է կիրառելի լինել․ ՆԳՆ փոխնախարար․ ՏԵՍԱՆՅՈՒԹ
Տեսանյութեր
03.06.2026 | 13:43
Կարեն Դեմիրճյանի անվան մարզահամերգային համալիրում անցկացվում է RISE Powered by Silicon Mountains 2026 ցուցահանդեսը։ ՀՀ ներքին գործերի նախարարի տեղակալ Արմեն Ղազարյանը, պատասխանելով ցուցադրվող նմուշների և տեխնոլոգիաների վերաբերյալ Factor TV-ի հարցին՝ նշել է, որ դեռևս նոր է ծանոթանում ներկայացված արտադրանքին:
«Այս պահին չգիտենք՝ կիրառելիության տեսանկյունից ինչը կարող է անհրաժեշտ լինել, դրա համար ծանոթանում ենք գործընկերների արտադրանքի հետ, և եթե տեսնենք ինչ-որ կիրառելիության հնարավորություն կա նաև մեր աշխատանքում, կարող ենք օգտագործել»,- ասել է նա։
Արմեն Ղազարյանն ընդգծել է, որ ցուցահանդեսում ներկայացված են ոչ միայն զուտ ռազմական նշանակության արտադրատեսակներ, այլև այնպիսի տեխնոլոգիաներ ու համակարգեր, որոնք կարող են կիրառվել ներքին գործերի նախարարության տարբեր բնագավառներում։
«Ուշադրություն դարձրեք՝ այստեղ ոչ միայն ռազմական արտադրանք է, այլ օրինակ՝ կառավարման համակարգեր կային, նաև ֆիզիկական պաշտպանական միջոցներ կան, այսինքն՝ ինչ-որ բաներ, որ կարող են պիտանի լինել նաև օրինակ՝ քաղաքացիական պաշտպանության համակարգում և այլն»,- պարզաբանել է փոխնախարարը։
Մանրամասները՝ տեսանյութում։
