06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Մեծ տրանսֆեր հայկական ֆուտբոլում. սերբական ակումբը ձեռք է բերել «Նոայի» հարձակվողին
03.06.2026 | 11:02
«Նոայի» բոսնիացի հարձակվող Նարդին Մուլահուսեյնովիչը կարիերան կշարունակի սերբական «Վոյվոդինայում», հաղորդում է երևանյան ակումբի մամուլի ծառայությունը։
«Մեծ տրանսֆեր հայկական ֆուտբոլում․ մեր հարձակվողը տեղափոխվում է սերբական Սուպերլիգա։
Նարդին Մուլահուսեյնովիչը տրանսֆերային համաձայնագրով տեղափոխվում է Սերբիայի փոխչեմպիոն «Վոյվոդինա»։
Նարդինը մեր թիմին էր միացել բոսնիական «Զրինսկիից» նոր մրցաշրջանի սկզբում։ Մեկ մրցաշրջան անց «Նոան» ֆուտբոլիստին վաճառում է նախկին տրանսֆերային արժեքից երեք անգամ ավելի բարձր արժեքով։
«Նոայի» մարզաշապիկով 28-ամյա հարձակվողը մասնակցել է 43 հանդիպման՝ դառնալով 16 գոլի և 4 գոլային փոխանցման հեղինակ։ Այդ ընթացքում Մուլահուսեյնովիչը դարձել է Հայաստանի Գավաթակիր և Սուպերգավաթակիր։
Նարդին Մուլահուսեյնովիչը նաև միակ ֆուտբոլիստն է ՈՒԵՖԱ Կոնֆերենցիաների լիգայի պատմության մեջ, որը գոլի հեղինակ է դարձել 5 անընդմեջ խաղում։
Ուրախ ենք մեր թիմում ունենալ նման հաջողության պատմություն։
Շնորհակալ ենք, Նարդին։ Լավագույնն ենք ցանկանում քեզ կարիերայում»,- նշված է «Նոայի» հաղորդագրության մեջ։
Transfermarkt-ի համաձայն՝ Նարդին Մուլահուսեյնովիչի տրանսֆերի արժեքը կազմել է 700 հազար եվրո։ Ըստ նույն աղբյուրի՝ 2025թ․ ամռանը «Նոան» հարձակվողի տեղափոխության համար 230 հազար եվրո էր վճարել «Զրինսկիին»։
