02.06.2026 | 17:46
Այդքան դյուրին չէ Հայոց հայրապետին հրաժարական պարտադրելը․ Գարեգին Բ․ ՏԵՍԱՆՅՈՒԹ
Վարդևանյանը իմ գլխին սարքեց․ Սամվել Կարապետյանը՝ իր հայտարարագիրը չներկայացնելու մասին. ՏԵՍԱՆՅՈւԹ
Քաղաքականություն
02.06.2026 | 16:57
«Մինչև դուք չհասնեք նրան, որ իրենք բոլոր ապօրինությունները իմ նկատմամբ կանխեն, որ ես հնարավորություն ունենամ կատարեմ իմ իրավունքները, ես հնարավորություն չունեմ ներկայացնելու (հայտարարագիրը-խմբ․)։ Այս մասին Factor TV-ի հարցին ի պատասխան նշեց «Ուժեղ Հայաստան» կուսակցության նախագահ Սամվել Կարապետյանը։
«Հայտարարագիր ներկայացնելու տեխնոլոգիային ծանոթացեք»,-ասաց նա։ Սկզբում Կարապետյանը կատակով ասել էր, թե իր փաստաբան, ընտրական ցուցակում ընդգրկված Արամ Վարդևանյանն է «իր գլխին սարքել»։
Ավելի վաղ Factor TV-ին Կոռուպցիայի կանխարգելման հանձնաժողովից հայտնել են, որ վարույթ է նախաձեռնվել Կարապետյանի կողմից գույքի և եկամուտների հայտարարագիրը չներկայացնելու հիմքով։
Այս պատմությունը սկսվել էր դեռ ապրիլին, երբ հանձնաժողովը կուսակցությունից ստացել էր համագումարի արդյունքում ընտրված նոր ղեկավար կազմի տվյալները, որից հետո նախ էլեկտրոնային փոստի, այնուհետև՝ թղթային եղանակով, ապա՝ azdarar.am հարթակի միջոցով ծանուցել էր կուսակցության խորհրդի անդամներին՝ հիշեցնելով հայտարարագիր ներկայացնելու պարտականության մասին։ Կուսակցության խորհրդի բոլոր անդամները կատարել են այդ պահանջը, բացի Կարապետյանից։
Եվգենյա Համբարձումյան
