ԿԿՀ-ն վարույթ է նախաձեռնել Սամվել Կարապետյանի նկատմամբ

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Սամվել Կարապետյանը, որը նախորդ տարվա հունիսից մեղադրյալի աթոռին է, անցնում է նաև վարչական վարույթով։ Վարույթը նախաձեռնել է Կոռուպցիայի կանխարգելման հանձնաժողովը․ հիմքը «Ուժեղ Հայաստան» կուսակցության նախագահի կողմից գույքի և եկամուտների հայտարարագիր չներկայացնելն է։ Այս մասին Factor․am-ին հայտնել են ԿԿՀ-ից։

Այս պատմությունը սկսվել էր դեռ ապրիլին, երբ հանձնաժողովը կուսակցությունից ստացել էր համագումարի արդյունքում ընտրված նոր ղեկավար կազմի տվյալները, որից հետո նախ էլեկտրոնային փոստի, այնուհետև՝ թղթային եղանակով, ապա՝ azdarar.am հարթակի միջոցով ծանուցել էր կուսակցության խորհրդի անդամներին՝ հիշեցնելով հայտարարագիր ներկայացնելու պարտականության մասին։ Կուսակցության խորհրդի բոլոր անդամները կատարել են այդ պահանջը, բացի Կարապետյանից։

Վարույթը, ըստ հանձնաժողովի նախադեպի, դեռ կարող է կարճվել, եթե Կարապետյանը դրա քննության ընթացքում ներկայացնի հայտարարագիրը։ Հանձնաժողովը նման պայմաններում իրավախախտումը դիտում է նվազ նշանակություն ունեցող և հայտարարում է բանավոր դիտողություն: Հակառակ դեպքում նրան առաջին անգամ կարող է նշանակվել 200 հազար դրամ տուգանք։ Իսկ եթե օրենքով նախատեսված պատասխանատվության կիրառումից հետո 30 օրվա ընթացքում հայտարարագիրը կրկին չներկայացվի, արդեն կարող է առաջանալ քրեական պատասխանատվության հարց։

Ավելի վաղ հանձնաժողովից տեղեկացել էին, որ պահանջվող հայտարարագիրը չներկայացնելը պայմանավորված է եղել տնային կալանքի և նամակագրության արգելքի պայմաններում հայտարարագրման էլեկտրոնային համակարգին հասանելիություն չունենալու հետ, մինչդեռ դատարանի կողմից կիրառված արգելքներն արդեն հանվել են:

Սամվել Կարապետյանի շուրջ իրավական գործընթացները սկսվեցին նախորդ տարվա հունիսին՝ նրա այն հայտարարությունից հետո, թե պատրաստ է Հայ Առաքելական եկեղեցին պաշտպանել «իր ձևով»։ Դրանից հետո գործարարը մեղադրյալ դարձավ։ Նա շուրջ 7 ամիս պահվել է «Երևան-Կենտրոն» քրեակատարողական հիմնարկում, իսկ այժմ գտնվում է տնային կալանքի տակ։

Կարապետյանին մեղադրանք է առաջադրվել ոչ միայն իշխանությունը զավթելու հրապարակային կոչերի, այլև փողերի լվացման հոդվածով։

Եվգենյա Համբարձումյան