Ռուսաստանը սահմանափակում է Հայաստանից սմբուկի, կարտոֆիլի և չրերի ներմուծումը

«Ռոսսելխոզնադզորը» 2026 թվականի հունիսի 3-ից սահմանափակելու է Հայաստանից սերմնային մշակաբույսերի, սմբուկի, կարտոֆիլի և չրերի ներմուծումը Հայաստանից, գրում է ՏԱՍՍ-ը՝ հղում անելով գործակալությանը։

«2026 թվականի հունիսի 3-ից «Ռոսսելխոզնադզորը» ժամանակավոր սահմանափակումներ է մտցնում Հայաստանից ծագող և այնտեղից առաքվող սերմնային կուլտուրաների, սմբուկի, կարտոֆիլի և չրերի ներմուծման, ինչպես նաև այդ ապրանքների՝ ԵՏՄ անդամ պետություններ տարանցման վրա այդ երկրների կողմից կարանտինային ապրանքների ստացումը հաստատելու մեխանիզմների բացակայության պատճառով», – ասվում է հայտարարության մեջ։

Նշվում է, որ սահմանափակումները սահմանվել են մինչև առաքվող ապրանքների անվտանգությունն ապահովելու համար համապատասխան ալգորիթմի մշակումը։

«Սա ևս մեկ անգամ հաստատում է, որ Հայաստանի էկոնոմիկայի նախարարությունը կառուցվածքային խնդիրներ ունի և չի կարողանում կատարել գյուղատնտեսական արտադրողներին վերահսկելու իր լիազորությունները», – ընդգծել է գերատեսչությունը։

Նշվում է, որ 2019 թվականին կառավարության կողմից իրականացված կառուցվածքային բարեփոխումների արդյունքում, ՀՀ գյուղատնտեսության նախարարությունը լուծարվել է, և դրա պարտականությունները փոխանցվել են Էկոնոմիկայի նախարարությանը, պարզաբանել է նախարարությունը։ «Ներկայումս այս նախարարությունը պատասխանատու է գյուղատնտեսական ոլորտում պետական ​​քաղաքականության համար։ Այն պատասխանատու է գյուղատնտեսական քաղաքականության, գյուղատնտեսական վերամշակման, անասնապահության, անասնաբուժության, մշակաբույսերի արտադրության, թունաքիմիկատների և ագրոքիմիական նյութերի օգտագործման, օրգանական գյուղատնտեսության, գյուղատնտեսական կոոպերատիվների և ձկնորսության համար», – հավելել է նախարարությունը։

Հիշեցնենք, որ ՌԴ-ն մայիսի 30-ից ժամանակավոր սահմանափակումներ է մտցրել Հայաստանից Ռուսաստան թարմ լոլիկի, վարունգի, պղպեղի, կանաչ մշակաբույսերի և ելակի ներմուծման համար։ Հունիսի 2-ից սահմանափակումներն են մտցվել Հայաստանից բալի, ծիրանի, սալորի, դեղձի, նեկտարինի և խաղողի մատակարարման վրա։ Բացի այդ՝  հունիսի 2-ից Հայաստանը պետք է դադարեցնի կենդանի ձկան և ձկնամթերքի անասնաբուժական սերտիֆիկացումը, որոնք նախատեսված են Ռուսաստանի Դաշնություն արտահանման համար հայկական բոլոր ընկերություններից, բացառությամբ երկուսի, որոնք ստուգում են անցել։

Թարգմանությունը՝ Էմմա Չոբանյանի