Օսիպյանին վիրավորող կողմին տարբերակ ենք առաջարկել այս իրավիճակից դուրս գալու․ Գեղամ Օհանյան․ ՏԵՍԱՆՅՈՒԹ

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Ակտիվիստ Գեղամ Օհանյանն արդեն երկրորդ օրն է՝ նստացույց է իրականացնում նախագահի նստավայրի դիմաց՝ հաջակցություն Արթուր Օսիպյանի, որը կալանավորվել է Նիկոլ Փաշինյանին ուղղված հարցերից հետո։

Օսիպյանը կալանավայրում հացադուլ է հայտարարել։ Օհանյանի խոսքով՝ նստացույցի առաջին օրը «բավական ակտիվ» է անցել։

«Նամակը հանձնեցինք նախագահական։ Երեկոյան նույն նամակը բաց ընթերցեցինք, ու 100-ից ավելի մարդ էր եկել։ Ստորագրահավաք արեցինք, մարդիկ ստորագրություններով միացան, ու հիմա էլ ստորագրահավաքը շարունակվում է»,– ասաց նա՝ նշելով, որ հավաքված ստորագրությունները հետագայում առանձին ևս կհանձնվեն նախագահական նստավայր։

Ակտիվիստի խոսքով՝ շարժմանը միացել են նաև հանրային գործիչներ, իսկ ամեն օր երեկոյան կազմակերպվելու են հանրային հավաքներ։

«Կոչ եմ անում մարդկանց՝ եկեք միացեք, ժողովուրդ ջան, մի լռեք այս հարցի շուրջ։ Մենք պետք է բոլորս մեր ներկայությամբ ամրապնդենք մեր խոսքը ու պահանջենք ազատել իրեն»,– նշեց Օհանյանը։

Նա ասաց, որ նախագահին ուղղված նամակում երկու հիմնական պահանջ են ներկայացրել. «Առաջին կետն այն է, որ քարոզարշավի մեջ հանրային խոսքով դատապարտի ագրեսիա պարունակող խոսքը։ Երկրորդ կետով՝ խնդրել ենք միջնորդություն ներկայացնել Գլխավոր դատախազություն՝ Արթուր Օսիպյանի խափանման միջոցը՝ կալանավորումը, փոխելու նպատակով, որպեսզի վերականգնվի Արթուր Օսիպյանի ազատ խոսքի իրավունքը»։

Հարցին, թե ինչ ակնկալիքներ ունի նախագահից, Օհանյանը պատասխանեց. «Մենք մի տարբերակ ենք առաջարկել, որը հարմար է նաև վիրավորող կողմին, որպեսզի փափուկ կերպով այս հարցը արանքից հանի։ Եթե խելամիտ գտնվեն, կկարողանան օգտվել այս հնարավորությունից։ Եթե չէ՝ արդեն զարգացումները կգնան այլ ճանապարհով»։

Օհանյանը պատմեց, որ գիշերել է նստացույցի վայրում։ «Մարդիկ մինչև ժամը 1-ը, 2-ը չէին գնում, տասնյակ մարդիկ կային, մնացել էին, զրուցում էինք, հիշել էինք մեր նախահեղափոխական օրերը»,– ասաց նա՝ հավելելով, որ իրեն արդեն միացել է նաև Միքայելը, և նստացույցն իրականանում են երկուսով։

Նրա խոսքով՝ ոստիկանությունը որևէ խոչընդոտ չի ստեղծել։ «Ոստիկանությունը ընդհանրապես չի խոչընդոտել, շնորհակալ ենք ոստիկանության աշխատանքից, որովհետև բավական լավ ծառայություն են իրականացրել»,– նշեց նա։

Խոսելով նստացույցի արդյունավետության մասին՝ Օհանյանն ասաց, որ այն միայն ֆիզիկական ներկայությամբ չի սահմանափակվում։

«Այստեղից նաև ակտիվ պրոցես ենք ծավալում մեդիահարթակում։ Մարդիկ անընդհատ գնում-գալիս են, շարժ է տեղի ունենում։ Մենք գիտենք, որ դա ձնագնդիի էֆեկտով շատ մեծ հնարավորություն ունի մեծանալու»,– նշեց նա։

Անդրադառնալով հասարակական կազմակերպությունների և միջազգային կառույցների ներգրավմանը՝ Օհանյանը կոչ արեց շարունակել բարձրաձայնել հարցը։

«Արթուրը բանտում օրեցօր ավելի վատթար վիճակում է հայտնվում։ Կոչ ենք անում հանրային մարդկանց, իրավապաշտպան կառույցներին, լրագրողական համայնքին՝ ակտիվ լինել, բարձրաձայնել հարցը։ Այս հարցը բոլորինս է»,– ասաց նա։

Մանրամասները՝ տեսանյութում։

Նարեկ Կիրակոսյան