06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Արսեն Հարությունյանի մրցակիցը փոխվել է RAF-ում
02.06.2026 | 12:02
Ազատ ոճի ըմբշամարտի Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը RAF (Real American Freestyle) լիգայում նորամուտը կնշի Պուերտ Ռիկոն ներկայացնող Կալեբ Սմիթի դեմ գոտեմարտով, հաղորդում է լիգայի մամուլի ծառայությունը։
Հանդիպումը կկայանա Սենթ Լուիսում հունիսի 13-ին անցկացվելիք RAF 10 մրցաշարում։
26-ամյա հայ ըմբիշը պետք է մրցեր Փարիզ-2024 Օլիմպիական խաղերի չեմպիոն Ռեյ Հիգուչիի հետ, սակայն ճապոնացի մարզիկը հրաժարվել է մասնակցությունից։
Նույն մրցաշարին մասնակցելու է նաև UFC-ի թեթև քաշային կարգի դասակարգման երկրորդ համար Արման Ծառուկյանը, որն ազատ ոճի ըմբշամարտի կանոններով կմրցի UFC-ի նախկին մարտիկ Թոնի Ֆերգյուսոնի հետ։
Հիշեցնենք, որ ապրիլին Արսեն Հարությունյանը մասնակցել էր ըմբշամարտի Եվրոպայի առաջնությանը և դարձել էր բրոնզե մեդալակիր։
