28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Պրեմիեր լիգայում ամենաշատ խաղ անցկացրած ֆուտբոլիստն ավարտեց կարիերան
01.06.2026 | 15:52
Անգլիայի Պրեմիեր լիգայում անցկացրած հանդիպումների քանակով ռեկորդակիր Ջեյմս Միլներն ավարտել է կարիերան։ Այդ մասին 40-ամյա ֆուտբոլիստը հայտնել է սոցիալական ցանցերում։
Անգլիացի կիսապաշտպանը կարիերայի վերջին երեք մրցաշրջաններն անցկացրեց անգլիական «Բրայթոնում»։ Կարիերայի ընթացքում Միլները խաղացել է նաև «Լիդսում», «Նյուքասլում», «Ասթոն Վիլայում», «Մանչեսթեր Սիթիում» ու «Լիվերպուլում»։ «Մանչեսթեր Սիթիի» հետ նա երկու անգամ դարձել է Անգլիայի չեմպիոն, իսկ «Լիվերպուլի» կազմում մեկական անգամ հաղթել է Չեմպիոնների լիգայում ու Պրեմիեր լիգայում։ Անգլիայի հավաքականի կազմում Միլներն անցկացրել է 61 հանդիպում ու խփել 1 գոլ։
Անգլիայի առաջնությունում Ջեյմս Միլներն անցկացրել է 658 հանդիպում։ Այդ ցուցանիշով լավագույն եռյակում են նաև Գարեթ Բերին (652) ու Ռայան Գիգզը (632)։
