Թրամփը հայտարարել է, որ Իրանն իսկապես ցանկանում է գործարք կնքել ԱՄՆ-ի հետ

ԱՄՆ նախագահ Դոնալդ Թրամփը հայտարարել է, որ Իրանն իսկապես ցանկանում է գործարք կնքել ԱՄՆ-ի հետ, և որ դա լավ կլինի Վաշինգտոնի և նրա դաշնակիցների համար, գրում է Reuters-ը։

Թրամփի հայտարարությունը հնչել է ընդամենը մի քանի ժամ անց այն բանից հետո, երբ ԱՄՆ զինված ուժերը հայտնել են, որ շաբաթավերջին հարվածել են իրանական ռազմական օբյեկտներին, իսկ Իրանի Իսլամական հեղափոխության պահապանների կորպուսը հայտարարել է, որ ի պատասխան՝ թիրախավորել են ամերիկյան բազան, ինչը վերջինն էր երեք ամիս տևած պատերազմը դադարեցնելու բանակցությունների ֆոնին տեղի ունեցած հարվածների փոխանակումների շարքում։

Այնուամենայնիվ, Թրամփը նաև նշել է, որ իր համար ավելի դժվար է բանակցել Իրանի հետ՝ հաշվի առնելով հակամարտության շուրջ առկա բոլոր քաղաքական մեկնաբանությունները։

«Ինձ համար շատ ավելի դժվար է պատշաճ կերպով կատարել իմ աշխատանքը և բանակցել, երբ քաղաքական հաքերային հարձակումները շարունակում են բացասական «ծլվլոցներ» հնչեցնել՝ աննախադեպ մակարդակով, անընդհատ, որ ես պետք է ավելի արագ շարժվեմ, կամ ավելի դանդաղ շարժվեմ, կամ պատերազմ գնամ, կամ չգնամ պատերազմ, կամ ինչ էլ որ լինի։ Պարզապես նստեք և հանգստացեք, վերջում ամեն ինչ լավ կստացվի. միշտ այդպես է լինում»,- գրել է նա Truth Social-ում։

Թրամփը նախորդ ուրբաթ հայտարարել էր, որ շուտով որոշում կկայացնի Իրանի հետ հրադադարի ռեժիմի երկարաձգման առաջարկվող գործարքի վերաբերյալ։

Թարգմանությունը՝ Էմմա Չոբանյանի