06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
ՌԴ-ն Կոպիրկինին կանչել է Մոսկվա՝ ՀՀ–ԵՄ մերձեցման պատճառով
Քաղաքականություն
30.05.2026 | 10:27
ՌԴ ԱԳՆ-ից հայտնում են, որ ՀՀ-ում Ռուսաստանի դեսպան Սերգեյ Կոպիրկինը կանչվել է Մոսկվա խորհրդակցությունների՝ Հայաստանի ղեկավարության կողմից Եվրամիության հետ մերձեցման քայլերի կապակցությամբ։
«ՀՀ-ում Ռուսաստանի Դաշնության դեսպան Ս.Պ. Կոպիրկինը կանչվել է Մոսկվա խորհրդակցությունների համար՝ կապված ՀՀ ղեկավարության կողմից Եվրամիության հետ մերձեցման քայլերի հետ, որոնք վնասում են Եվրասիական տնտեսական միության (ԵՏՄ) շրջանակներում համագործակցությանը»,- ասված է հաղորդագրությունում։
Հիշեցնենք, որ նախօրեին ԵՏՄ անդամ երկների՝ Ռուսաստանի, Բելառուսի, Ղազախստանի և Ղրղզստանի առաջնորդները համատեղ հայտարարություն էին տարածել ԵՄ-ին անդամակցելու Հայաստանի ձգտման շուրջ ստեղծված իրավիճակի վերաբերյալ։ Հայտարարության մեջ մասնավորապես նշվում է, որ 2026 թվականի դեկտեմբերին կայանալիք Բարձրագույն Եվրասիական տնտեսական խորհրդի հաջորդ նիստում կզեկուցվի Հայաստանի Հանրապետության համար Եվրասիական տնտեսական միության մասին պայմանագրի կասեցման հնարավոր հետևանքների մասին։
ՌԴ նախագահ Վլադիմիր Պուտինը հայտարարել էր, որ Եվրասիական տնտեսական միությունը կցանկանար, որպեսզի Հայաստանը հնարավորինս շուտ հանրաքվե անցկացնի՝ կապված երկրի հետագա ինտեգրացիոն ուղղության հետ։
Իսկ Բելառուսի նախագահ Ալեքսանդր Լուկաշենկոն հանրայնացրել էր ԵՏՄ չորս առաջնորդների արձանագրումն առ այն, որ որ չեն ցանկանում՝ Հայաստանը դուրս գա միությունից։
Թարգմանությունը՝ Անահիտ Խաչատրյանի
