29.05.2026 | 22:12
Ռուսաստանը 26 միլիարդ դոլար է ծախսում Պուտինի և նրա շրջապատի ծերացման դեմ պայքարի միջոցառումների վրա.WSJ
ԵՏՄ-ն Հայաստանին կխնդրեր անդամակցության հանրաքվե անցկացնել որքան հնարավոր է շուտ. Պուտին
Քաղաքականություն
29.05.2026 | 21:35
ՌԴ նախագահ Վլադիմիր Պուտինը հայտարարել է, որ Եվրասիական տնտեսական միությունը կցանկանար, որպեսզի Հայաստանը հնարավորինս շուտ հանրաքվե անցկացնի՝ կապված երկրի հետագա ինտեգրացիոն ուղղության հետ։
ՏԱՍՍ-ի փոխանցմամբ՝ Ռուսաստանի նախագահը լրագրողների հետ զրույցում նշել է, որ ՀՀ վարչապետ Նիկոլ Փաշինյանն ինքն է խոսել այն մասին, որ ճիշտ է համարում հանրաքվե անցկացնել՝ պարզելու համար, թե Հայաստանը պետք է շարունակի մնալ Եվրասիական տնտեսական միությունում, թե ընտրի եվրոպական ուղղությունը։
«Մենք կխնդրեինք մեր հայ գործընկերներին, բարեկամներին։ Վարչապետ Փաշինյանն ինքն այդ մասին ասել է, որ նախատեսում է և ճիշտ է համարում հանրաքվե անցկացնել այն հարցի վերաբերյալ, թե որտեղ պետք է լինի Հայաստանը՝ ԵԱՏՄ–ում, թե Եվրամիությունում։ Մենք կխնդրեինք, որ դա արվի հնարավորինս շուտ»,- ասել է Պուտինը։
Ավելի վաղ Կրեմլը հրապարակել էր ԵՏՄ անդամ երկների՝ Ռուսաստանի, Բելառուսի, Ղազախստանի և Ղրղզստանի առաջնորդների համատեղ հայտարարությունը ԵՄ-ին անդամակցելու Հայաստանի ձգտման շուրջ ստեղծված իրավիճակի վերաբերյալ։
ՀՀ վարչապետ Նիկոլ Փաշինյանը նախօրեին լրագրողների հետ ասուլիսում հստակեցրել է ԵՏՄ-ից դուրս գալու ժամկետների վերաբերյալ Կառավարության դիրքորոշումը։
«Ես ասել եմ, որ մինչև այն կետը, քանի դեռ Եվրասիական տնտեսական միությանն անդամ լինելը և Եվրամիությանն անդամագրվելու գործընթաց սկսելու մասին օրենքի նախագծի պրոցեսները համատեղելի են, մենք այդ ճանապարհով գնալու ենք: Դա կարող է համատեղելի լինել մինչև 2030 թիվը, դա կարող է համատեղելի լինել մինչև 2026 թվի դեկտեմբերը, կամ մինչև 2027 թվի հունիսը։ Ժամանակը ցույց կտա։ Դա մեր ինքնիշխան որոշումն է»,- նշել էր Փաշինյանը։
