Քաղաքականություն
29.05.2026 | 20:14
Բելառուսի նախագահ Ալեքսանդր Լուկաշենկոն հայտարարել է, որ ինքը և Ռուսաստանի, Ղազախստանի և Ղրղզստանի առաջնորդները՝ Վլադիմիր Պուտինը, Կասիմ-Ժոմարտ Տոկաևը և Սադիր Ժապարովը, հայտարարել են, որ չեն ցանկանում, որ Հայաստանը դուրս գա Եվրասիական տնտեսական միությունից (ԵՏՄ), գրում է ՏԱՍՍ-ը։
«Մենք բոլորս արձանագրել ենք. մենք չենք ուզում, որ Հայաստանը դուրս գա մեր Եվրասիական միությունից», – մեջբերում է ԲելՏԱ-ն Լուկաշենկոյի խոսքերը։
«Եթե ժողովուրդը նման որոշում կայացնի և համաձայնվի դուրս գալ այն միությունից, որի մաս է կազմում, և միանալ Եվրամիությանը որոշ պահի, մենք չենք կարող դեմ գնալ հայ ժողովրդի կամքին»,- հավելել է Լուկաշենկոն։
Նա նաև նշել է, թե Հայաստանի ղեկավարությունն ու ժողովուրդը պետք է հասկանան, թե ինչ են շահում և ինչ են կորցնում՝ ընտրելով ԵՏՄ-ի և ԵՄ-ի միջև։
«ՀՀ ղեկավարությունը և հատկապես Հայաստանի ժողովուրդը պետք է հասկանան, թե ինչ են ձեռք բերում և ինչ են կորցնում: Ռուսաստանի նախագահ [Վլադիմիր Պուտինը] խոստացել է մանրամասնորեն հաղորդել այս մասին ողջ միջազգային հանրությանը, ում ուզում է լսել», – ասել է Լուկաշենկոն,- «Նա կրկին մանրամասն կբացատրի. ռուս մասնագետները նրա համար պատրաստել են այս տեղեկատվությունը, թե ինչ է նշանակում հրաժարվել Եվրասիական միությունից, որին ներկայումս պատկանում է Հայաստանը, և միանալ Եվրամիությանը»։
Նա նաև նշել է, թե Հայաստանը պետք է հիշի ԵՄ-ին անդամակցելու երկար ժամկետները։ «Հաշվի առնելով Ուկրաինան, որը վաղուց է ցանկանում միանալ, և ավելի կարևորը՝ Թուրքիան, որը, կարծում եմ, 25 կամ 30 տարի սպասում է Եվրամիությանը միանալուն», – հայտարարել է Լուկաշենկոն։
Թարգմանությունը՝ Էմմա Չոբանյանի
