14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Հողերը 1996-ին են տվել, մեզ չեն ասել, որ իշխանությունը պահեն․ Նիկոլ Փաշինյան․ ՏԵՍԱՆՅՈՒԹ
Քաղաքականություն
29.05.2026 | 12:27
Նիկոլ Փաշինյանը Տավուշի մարզում քարոզարշավի ընթացքում անդրադարձել է բանակի վերազինմանը, 44-օրյա պատերազմին նախորդած գործընթացներին։
Նրա խոսքով՝ մայիսի 28-ին Հանրապետության հրապարակում ցուցադրված սպառազինությունը ամբողջությամբ նոր էր՝ նախատեսված հենց Հայաստանի Հանրապետության համար։
Փաշինյանն ասաց՝ Հայաստանի նոր բանակի ստեղծումը շարունակական գործընթաց է, որի կարևոր բաղադրիչներից են նաև կառուցվող ամրացված շրջանները։
«Տասնյակ ամրացված շրջաններ ենք կառուցել և շարունակում ենք կառուցել, որպեսզի Հայաստանը ունենա պաշտպանունակության ամենաբարձր մակարդակը»,- ասաց Փաշինյանը։
Նիկոլ Փաշինյանը կրկին անդրադարձել է ընդդիմության մեղադրանքներին, թե գործող իշխանությունները քանդել են բանակը։ Նրա խոսքով՝ նախկին իշխանություններն իրենք են թողել քանդած բանակ՝ այդ պատասխանատվությունը փորձելով բարդել ներկայիս իշխանությունների վրա։ Փաշինյանն իր ելույթում պնդեց նաև, որ նախկին իշխանությունները դեռ 1996 թվականից համաձայնել էին տարածքային զիջումների գնալ։ Նրա խոսքով՝ գործող իշխանություններին իշխանության գալուց անմիջապես հետո սկսել են մեղադրել հողեր հանձնելու մեջ, քանի որ նախկին իշխանություններն իրենք արդեն վաղուց գնացել էին այդ ճանապարհով։
«Իրենք տվել էին շատ շուտ, դեռ 96 թվին են տվել, ուղղակի մեզ չեն ասել, որ իշխանությունը պահեն»,- ասաց Փաշինյանը։
Մանրամասները՝ տեսանյութում։
