04.08.2026 | 11:26
Արման Անտոնյանը հայտնել է ԿԳՄՍ նախարարի խորհրդականի պաշտոնից հեռանալու մասին
Ռազմական շքերթը չի պաշտպանի, երբ «300 հազար ադրբեջանցիները գան». Կարապետյան. ՏԵՍԱՆՅՈՒԹ
Քաղաքականություն
28.05.2026 | 21:42
Մայիսի 28-ի՝ Հանրապետության տոնի առթիվ իր ուղերձում «Ուժեղ Հայաստան» կուսակցության առաջնորդ Սամվել Կարապետյանը քննադատության է ենթարկել գործող իշխանություններին՝ Երևանում անցկացվող ռազմական շքերթը որակելով որպես ընդամենը PR ակցիա և իրականությունը քողարկելու միջոց։
«Բանակը քայլերթի մասին չէ, ոչ էլ PR-ի: Ոչ մի ռազմական շքերթ մեզ չի պաշտպանելու, երբ գան 300 հազար ադրբեջանցիները։ Նման միջոցառումների իրականացումն ունի միայն մեկ նպատակ՝ թաքցնել ձեզանից իրականությունը՝ ադրբեջանցիներին Հայաստանում բնակեցնելու ծրագիրը»,- հայտարարել է Կարապետյանը:
Նրա խոսքով՝ իշխանությունների միակ նպատակն իրենց աթոռն ամեն գնով պահելն է, իսկ թույլ իշխանությամբ, երբ հերոսների անունները մոռացվում են և պետությունը կորցնում է արժանապատվությունը, անհնար է ուժեղ բանակ ունենալ:
Նշենք, որ իշխանությունն ամենաբարձր մակարդակով բազմիցս հերքել է ադրբեջանցիների՝ ՀՀ-ում բնակվելու տեղեկությունը։
«Ի դեպ ասեմ, որ ևս մի դատական հայց եմ ներկայացնելու. հեղինակը կամ կուսակցությունն էր, եթե անձն է՝ անձը, որովհետև երեկվա «Արմենիա» հեռուստաընկերության տված հարցազրույցից հետո նրանք հայտարարել են, որ ես հաստատել եմ, որ 300,000 ադրբեջանցի է վերադառնալու կամ գալու բնակեցնելու Հայաստան։ Ես այդ կապակցությամբ երրորդ հայցը կներկայացնեմ, և կարծում եմ՝ այս անգամ արդեն գործ ունենք հրապարակային հարցազրույցի հետ»,- այսօր ավելի վաղ ասուլիսի ժամանակ ասել է ՀՀ վարչապետ Նիկոլ Փաշինյանը։
Մանրամասները՝ տեսանյութում։
