16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
ԵՏՄ առաջնորդները կքննարկեն միությանը Հայաստանի մասնակցության հարցը. Ուշակով
28.05.2026 | 14:28
Եվրասիական տնտեսական միության (ԵՏՄ) ղեկավարները ուրբաթ կքննարկեն ԵՏՄ-ում Հայաստանի հետագա մասնակցության հարցը, հայտարարել է Ռուսաստանի նախագահի օգնական Յուրի Ուշակովը, գրում է ՌԻԱ Նովոստին։
«Վաղը տեղի կունենա Եվրասիական բարձրագույն խորհրդի նիստը։ Կարծում եմ՝ այդ հարցն այս կամ այն չափով կքննարկվի»,- լրագրողներին ասել է նա՝ պատասխանելով ԵՏՄ-ում Հայաստանի մասնակցության վերաբերյալ ռուս-ղազախական կոնսենսուսի մասին հարցին։
ՌԴ նախագահ Վլադիմիր Պուտինը պետական այցով Ղազախստանում է մայիսի 27-ից 29-ը։ Աստանայում ուղեկցում է ավելի քան 30 հոգուց բաղկացած պատվիրակություն, այդ թվում՝ փոխվարչապետ Ալեքսեյ Օվերչուկը և ինը դաշնային նախարարներ։ Նա նաև կմասնակցի Աստանայում կայանալիք Եվրասիական բարձրագույն տնտեսական խորհրդի նիստի շրջանակում կազմակերպվող միջոցառումներին։
Հիշեցնենք, որ նախօրեին Ալեքսեյ Օվերչուկը հայտարարել էր, թե Հայաստանը չի պատրաստվում դուրս գալ ԵՏՄ-ից, քանի որ հստակ գիտակցում է անդամակցությունից ստացվող օգուտները։ Նա նաև բացառել էր Աստանայում Եվրասիական տնտեսական միության գագաթնաժողովում Հայաստանի դեմ սահմանափակող միջոցառումների ընդունումը։
Թարգմանությունը՝ Էմմա Չոբանյանի
