03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
13 համարի քվեաթերթիկ չի լինի․ ԿԸՀ-ն ուժը կորցրած է ճանաչել «Ալյանս» կուսակցության գրանցումը
Քաղաքականություն
26.05.2026 | 12:26
Կենտրոնական ընտրական հանձնաժողովը ուժը կորցրած է ճանաչել «Ալյանս» կուսակցության գրանցումը Հայաստանում հունիսի 7-ին կայանալիք խորհրդարանական ընտրություններին մասնակցելու համար։
«Կենտրոնական ընտրական հանձնաժողովը մայիսի 26-ի արտահերթ նիստում քննարկել է կուսակցության վարչության որոշումը ԱԺ հերթական ընտրություններին մասնակցությունից ինքնաբացարկի որոշումը։
ԿԸՀ արտահերթ նիստին ներկա են եղել նաև կուսակցության ներկայացուցիչները, որոնք հաստատել են, որ կուսակցության վարչությունը ընտրություններին մասնակցությունից ինքնաբացարկի որոշում է կայացրել։
ԿԸՀ-ն ուժը կորցրած է ճանաչել «Ալյանս» կուսակցության գրանցումը, ինչը նշանակում է, որ 2026 թվականի հունիսի 7-ին ՀՀ ԱԺ հերթական ընտրություններին 13 համարի քվեաթերթիկ չի լինի»։
Հայաստանում կայանալիք խորհրդարանական ընտրություններին մասնակցելու համար առաջադրվել էր 19 քաղաքական ուժ՝ 2 դաշինք և 17 կուսակցություն։ Ընտրապայքարից «Ալյանս» կուսակցության դուրս գալուց հետո առաջադրված կուսակցությունների թիվը դառնում է 16։
